తెలంగాణకు భారీ వర్ష హెచ్చరిక; నాలుగు జిల్లాలకు ఆరెంజ్ అలర్ట్

తెలంగాణలో ఇవాళ, రేపు భారీ వర్షాలు కురిసే అవకాశం ఉందని హైదరాబాద్ వాతావరణ శాఖ ప్రకటించింది. వాయువ్య బంగాళాఖాతంలో అల్పపీడనం కొనసాగుతుందని శాఖ తెలిపింది.

సముద్ర మట్టానికి 7.6 కిలోమీటర్ల ఎత్తు వరకు ఉపరితల ఆవర్తనం విస్తరించి ఉందని వాతావరణ శాఖ వెల్లడించింది. దీని ప్రభావంతో రాష్ట్రవ్యాప్తంగా వర్షాలు కురుస్తాయని తెలిపింది. భారీ వర్షాల దృష్ట్యా నాలుగు జిల్లాలకు ఆరెంజ్ అలర్ట్ జారీ చేశారు.

మిగతా జిల్లాల్లో తేలికపాటి నుంచి మోస్తరు వర్షాలు కురుస్తాయని అధికారులు తెలిపారు. సోమవారం ఉత్తర జిల్లాలకు భారీ వర్ష హెచ్చరిక ఉంది.