హైదరాబాద్ పారిశ్రామిక భూముల మార్పిడికి HILTP పాలసీ మార్గదర్శకాలు విడుదల

తెలంగాణ ప్రభుత్వం హైదరాబాద్ ఇండస్ట్రియల్ ల్యాండ్స్ ట్రాన్స్ఫర్మేషన్ (HILTP) పాలసీ మార్గదర్శకాలను విడుదల చేసింది. రాష్ట్ర సచివాలయంలో మంత్రి శ్రీధర్ బాబు ఈ మార్గదర్శకాలను online లో విడుదల చేశారు. పరిశ్రమల శాఖ ఉత్తర్వులు కూడా జారీ చేసింది.

Outer Ring Road (ORR) పరిధిలో 9,292 ఎకరాల పారిశ్రామిక భూముల మార్పిడికి ప్రభుత్వం అనుమతి ఇచ్చింది. ఈ భూములకు Multi-Use Zone హోదా ఇస్తున్నట్లు మంత్రి శ్రీధర్ బాబు స్పష్టం చేశారు. 2025 నవంబర్ 22న జారీ చేసిన GO నంబర్ 27 ద్వారా ఈ పాలసీని ప్రకటించారు.

Core Urban Region పరిధిలోని 21 పారిశ్రామిక పార్కులు, స్వతంత్ర పరిశ్రమల్లో ఉన్న కాలుష్య కారక పరిశ్రమలను పునరావాసం చేయడానికి ఈ పాలసీ రూపొందించారు. తెలంగాణ రాష్ట్ర పారిశ్రామిక మౌలిక సదుపాయాల సంస్థ (TGIIC) నోడల్ ఏజెన్సీగా వ్యవహరిస్తుంది.

దరఖాస్తుల కోసం ప్రత్యేక online portal ప్రారంభించారు. tgiac.gov.in వెబ్‌సైట్ ద్వారా దరఖాస్తు చేసుకోవాలి. Sale deed, EC, ఆస్తిపన్ను రసీదు వంటి పత్రాలు అనుబంధంగా సమర్పించాలి. Mutation, ఆస్తిపన్ను, subdivision చార్జీల వంటి అన్ని బకాయిలు చెల్లించిన వారికి మాత్రమే screening committee అనుమతి లభిస్తుంది.

భూమి విస్తీర్ణాన్ని బట్టి processing fee నిర్ణయించారు. ఒక ఎకరా వరకు ₹20,000, 1 నుంచి 5 ఎకరాలకు ₹50,000, 5 నుంచి 10 ఎకరాలకు ₹1 లక్ష, 10 నుంచి 25 ఎకరాలకు ₹2 లక్షలు, 25 నుంచి 50 ఎకరాలకు ₹5 లక్షలు, 50 ఎకరాలకు పైన ₹10 లక్షలు చెల్లించాలి. దరఖాస్తు సమయంలో Development Impact Fee లో 10% ముందస్తుగా చెల్లించాలి. మిగిలిన 90% మొత్తాన్ని 90 రోజుల్లో రెండు వాయుదాల్లో చెల్లించాలి. గడువు దాటితే నెలకు 1% జరిమానా విధిస్తారు.

2026 జూన్ 30 వరకు దరఖాస్తు చేసే వారికి పాత SRO ధరలే వర్తిస్తాయి. నగర పరిధి నుంచి ORR బయటకు మారే పరిశ్రమలకు ప్రస్తుతం అందుతున్న సబ్సిడీలు కొత్త స్థలంలో కూడా వర్తిస్తాయి. విద్యుత్, నీటి కనెక్షన్లకు గతంలో చెల్లించిన రుసుములను సర్దుబాటు చేస్తారు.

ఈ నిర్ణయంతో నాచారం, మల్లాపూర్, చెర్లపల్లి, కూకట్పల్లి, జీడిమెట్ల, మౌలాలి, ఉప్పల్, బాలానగర్ వంటి ప్రాంతాల్లో పారిశ్రామిక భూములు నివాస, వాణిజ్య అవసరాలకు అందుబాటులోకి రానున్నాయి. ప్రభుత్వరంగ సంస్థలకు కేటాయించిన భూములకు ఈ పాలసీ వర్తించదు.