మైనర్ డ్రైవింగ్‌పై తెలంగాణ RTA కఠిన చర్యలు; వాహనం రిజిస్ట్రేషన్ రద్దు

తెలంగాణ ఆర్టీఏ మైనర్లు డ్రైవింగ్ చేయడంపై కఠిన చర్యలు తీసుకుంటోంది. మైనర్ అయిన వ్యక్తి డ్రైవింగ్ చేస్తూ దొరికితే సంబంధిత వాహనం రిజిస్ట్రేషన్‌ను ఒక సంవత్సరం పాటు రద్దు చేయనున్నట్లు అధికారులు తెలిపారు.

వాహనం ఎవరి పేరిట రిజిస్టర్ అయిందో ఆ యజమానిపైనా చర్యలు తీసుకోనున్నారు. యజమానికి హెచ్చరికలు జారీ చేయడంతో పాటు భారీ జరిమానా విధిస్తారు. గత ఏడాది ఈ రూల్ కింద దాదాపు 4,000 మంది రిజిస్ట్రేషన్లు రద్దు చేశారు.

మైనర్లకు టూవీలర్లు ఇవ్వడం వల్ల ప్రమాదాలు పెరుగుతున్న నేపథ్యంలో ఈ నిర్ణయం తీసుకున్నారు. చిన్నపిల్లలు డ్రైవింగ్ చేయడం వల్ల అనేక ఘటనలు జరుగుతున్నాయని, తల్లిదండ్రులు మైనర్లకు వాహనాలు ఇవ్వరాదని అధికారులు హెచ్చరించారు.

ఓఆర్ఆర్, హైవేలపై మైనర్లు అతివేగంగా డ్రైవింగ్ చేస్తూ ప్రమాదాలు సంభవించాయి. ఇలాంటి పరిస్థితుల్లో మైనర్లతోపాటు వాహన యజమానికి కూడా శిక్షలు విధించేలా కఠిన నిబంధనలు అమలు చేస్తున్నట్లు ఆర్టీఏ తెలిపింది.