తెలంగాణ ఓటర్ల జాబితా నుంచి 73 లక్షల పేర్ల తొలగింపు; ఫారం 6తో తిరిగి చేరే అవకాశం

తెలంగాణ ఓటర్ల జాబితా సవరణలో ఎన్యూమరేషన్ దశ పూర్తయింది. ఎన్నికల సంఘం ఈరోజు ముసాయిదా ఓటర్ల జాబితాను విడుదల చేసింది. ASD (Absent, Shifted, Dead) కేటగిరీల్లో 73 లక్షల మంది ఓటర్ల పేర్లను గుర్తించినట్లు రాష్ట్ర ఎన్నికల ప్రధానాధికారి సుదర్శన్ రెడ్డి తెలిపారు.

తొలగించిన ప్రతి ఒక్కరికీ నోటీసులు జారీ చేస్తామని ఆయన చెప్పారు. తాము షిఫ్ట్ కాలేదని భావించే వారు ఫారం 6 ద్వారా మళ్లీ పేరు చేర్చుకోవచ్చు. కొత్త ఓటర్లు కూడా ఫారం 6 ద్వారా నమోదు చేసుకోవచ్చు.

నోటీసు పీరియడ్ ముగిసిన తర్వాత క్లెయిమ్స్, అబ్జెక్షన్స్ పీరియడ్ ఉంటుందని సుదర్శన్ రెడ్డి వివరించారు. పేరు లేనివారు ఫారం 6తో క్లెయిమ్ చేయవచ్చు. లిస్టులో ఉన్న వారిపై అభ్యంతరం ఉంటే ఫారం 7 ద్వారా తెలియజేయవచ్చు.

రాజకీయ పార్టీలు ప్రక్రియకు మరింత సమయం ఇవ్వాలని కోరాయి. ఈ విషయాన్ని ఎన్నికల కమిషన్ దృష్టికి తీసుకువెళ్తామని ఆయన తెలిపారు. ఫైనల్ ఓటర్ల జాబితా అక్టోబర్ 31 నాటికి విడుదల అవుతుంది. సందేహాలుంటే ఎన్నికల సంఘం దృష్టికి తీసుకురావచ్చని సూచించారు.