మామనూరు విమానాశ్రయం పునర్నిర్మాణానికి టెండర్ల ఆహ్వానం

వరంగల్‌లోని మామనూరు విమానాశ్రయం పునర్నిర్మాణానికి ఎయిర్‌పోర్ట్ అథారిటీ ఆఫ్ ఇండియా (AAI) టెండర్లను ఆహ్వానించింది. 950 ఎకరాల స్థలంలో రన్వే పునరుద్ధరణ, కొత్త ఏప్రాన్ (apron), ఐసోలేషన్ బే, ప్రవేశ మార్గం తదితర పనులు చేపట్టనున్నట్లు AAI ప్రకటించింది.

రన్వే 280 మీటర్ల పొడవు, 75 మీటర్ల వెడల్పుతో పునరుద్ధరించబడనుంది. ఈ నిర్మాణాలను 15 నెలల వ్యవధిలో పూర్తి చేయాలని AAI ఆదేశాలు జారీ చేసింది.

విమానాశ్రయ ప్రవేశం, నిష్క్రమణలు వరంగల్-ఖమ్మం ప్రధాన రహదారిపైనున్న పోలీస్ క్యాంపు సమీపంలోని తిమ్మాపూర్ క్రాస్ రోడ్ వద్ద ఉంటాయని AAI విడుదల చేసిన నిర్మాణ నమూనాలో పేర్కొన్నది. రన్వే ముగింపు నక్కలపల్లి వైపు ఉంటుంది. విమానాశ్రయం పూర్తయితే వరంగల్ నగరానికి విమాన రాకపోకలు ప్రారంభమవుతాయి.