టీజీపీఎస్సీ సీడ్ సర్టిఫికేషన్ ఆఫీసర్ నోటిఫికేషన్ 2026: 19 పోస్టులు, దరఖాస్తు వివరాలు

తెలంగాణ పబ్లిక్ సర్వీస్ కమిషన్ (టీజీపీఎస్సీ) 19 సీడ్ సర్టిఫికేషన్ ఆఫీసర్ పోస్టుల భర్తీకి నోటిఫికేషన్ విడుదల చేసింది. అగ్రికల్చర్‌లో బ్యాచిలర్ డిగ్రీ, ఎంఎస్సీ అగ్రికల్చర్ చేసిన అభ్యర్థులు ఈ పోస్టులకు అర్హులు.

ఐసీఏఆర్ గుర్తింపు ఉన్న యూనివర్సిటీ నుండి సీడ్ టెక్నాలజీ, ప్లాంట్ బ్రీడింగ్, అగ్రోనమీ లేదా ప్లాంట్ ఫిజియాలజీలో 2026 జూలై 2 నాటికి ఎంఎస్సీ పూర్తి చేసి ఉండాలి. ఓపెన్ యూనివర్సిటీలు, దూరవిద్య ద్వారా డిగ్రీ పూర్తి చేసినవారూ దరఖాస్తు చేసుకోవచ్చు. అయితే ఆ డిగ్రీలకు యూజీసీ, ఏఐసీటీఈ లేదా డీఈబీ గుర్తింపు తప్పనిసరి.

ఆన్‌లైన్ దరఖాస్తు ప్రక్రియ 2026 జూలై 7 నుండి ఆగస్టు 12 వరకు కొనసాగుతుంది. పరీక్షలు హైదరాబాద్, కరీంనగర్, ఖమ్మం, వరంగల్, నిజామాబాద్ కేంద్రాల్లో నిర్వహిస్తారు. అభ్యర్థుల వయస్సు 18 నుండి 44 సంవత్సరాల మధ్య ఉండాలి. ఎస్సీ, ఎస్టీ, బీసీ, ఈడబ్ల్యూఎస్ అభ్యర్థులకు 5 సంవత్సరాలు, దివ్యాంగులకు 10 సంవత్సరాలు వయోపరిమితి సడలింపు ఉంటుంది.

దరఖాస్తు ఫీజు జనరల్, బీసీ అభ్యర్థులకు ₹1,000. ఎస్సీ, ఎస్టీ, దివ్యాంగులకు ₹500. ప్రభుత్వ ఉద్యోగులు పరీక్ష ఫీజు ₹80 చెల్లించాలి. నిరుద్యోగ అభ్యర్థులకు ఎటువంటి ఫీజు లేదు.

ఈ పోస్టులకు నెలకు ₹51,320 – ₹1,27,310 జీతం ఉంటుంది. ఆబ్జెక్టివ్ రాత పరీక్ష ద్వారా ఎంపిక జరుగుతుంది. ఓసీ, ఈడబ్ల్యూఎస్ అభ్యర్థులు 40%, బీసీలు 35%, ఎస్సీ, ఎస్టీ, దివ్యాంగులు 30% మినిమం మార్కులు సాధించాలి. మెరిట్ ప్రాతిపదికన తుది ఎంపికలు ఉంటాయి.