ది ఒడిస్సీ రివ్యూ: సంగీతమే వెన్నెముక — ఇండియా టుడే

ఇండియా టుడే విడుదల చేసిన ‘ది ఒడిస్సీ’ సినిమా సమీక్ష ప్రకారం, ఈ చిత్రంలో సంగీతం అత్యంత కీలకమైన అంశంగా నిలిచింది. చిత్రం నాన్-లీనియర్ కథనాన్ని కలిగి ఉన్నప్పటికీ, క్రిస్టోఫర్ నోలన్ ‘టెనెట్’లా సంక్లిష్టంగా కాకుండా స్పష్టంగా, సరళంగా కథ చెప్పిందని రివ్యూలో తెలిపారు. ‘ది ఒడిస్సీ’ చూసేటప్పుడు ప్రేక్షకుడికి కథా ప్రపంచం, పాత్రల గురించి ముందస్తు వివరాలు ఇవ్వకపోవడంతో, కొన్ని సన్నివేశాల్లో భావోద్వేగాలు కనెక్ట్ కాకపోయే అవకాశముంది. కానీ ఆ సందర్భాల్లో బ్యాక్‌గ్రౌండ్ స్కోర్ ఆ లోటును పూడుస్తుందని సమీక్ష పేర్కొంది. ఒక ప్రత్యేక సన్నివేశంలో గుర్రం నుండి ప్రధాన పాత్ర బయటకు వచ్చి గేట్లు తెరవడం, ఆ సమయంలో వచ్చే సంగీతం సినిమా అనుభవాన్ని అద్భుతంగా మార్చిందని, బిగ్ స్క్రీన్‌పై ఇలాంటి అనుభవం మరొకటి లేదని కితాబిచ్చింది. క్లైమాక్స్ గురించి స్పాయిలర్ కాబట్టి ఎక్కువగా చెప్పనప్పటికీ, అక్కడా సంగీతం అదే స్థాయిలో ఆకట్టుకుంటుందని సూచించారు. మొత్తంగా ‘ది ఒడిస్సీ’ మైండ్ బ్లోయింగ్ సినిమా అనుభవాన్ని ఇస్తుందని, సంగీతమే ఈ చిత్రానికి వెన్నెముకగా నిలిచిందని ఇండియా టుడే సమీక్ష స్పష్టం చేసింది.