క్రెడిట్ స్కోర్ 750కు పెంచుకోవడానికి చిట్కాలు

మీ క్రెడిట్ స్కోర్ 750 పైగా ఉంటే లోన్లు త్వరగా ఆమోదం పొందే అవకాశం ఉంటుంది. క్రెడిట్ స్కోర్ మెరుగుపరచుకోవడానికి కొన్ని ముఖ్యమైన చిట్కాలు ఇక్కడ ఉన్నాయి.

మొదటిది, EMI లేదా క్రెడిట్ కార్డు బిల్లులను గడువు తేదీలోగా చెల్లించండి. సకాలంలో చెల్లింపులు మీ చెల్లింపు చరిత్రను మెరుగుపరుస్తాయి. దీనివల్ల క్రెడిట్ స్కోర్ పెరిగే అవకాశం ఉంటుంది.

రెండవది, 30% క్రెడిట్ యుటిలైజేషన్ నియమం పాటించండి. మీ క్రెడిట్ కార్డు పరిమితిలో 30% కంటే ఎక్కువ ఖర్చు చేయకండి. ఉదాహరణకు, లిమిట్ ₹1,00,000 అయితే ₹30,000 లోపే ఉపయోగించండి. అధిక వినియోగం స్కోర్ తగ్గడానికి దారితీస్తుంది.

మూడవది, తరచూ కొత్త లోన్ల కోసం దరఖాస్తు చేయొద్దు. రెండు లోన్ దరఖాస్తుల మధ్య కనీసం ఆరు నెలల విరామం ఉండేలా చూసుకోండి. ఇది లోన్ ఎంక్వైరీల సంఖ్యను తగ్గించి, స్కోర్ పై ప్రతికూల ప్రభావం పడకుండా నిరోధిస్తుంది.

నాలుగవది, పాత క్రెడిట్ కార్డులను రద్దు చేయకండి. క్రెడిట్ చరిత్ర ఎంత పాతదైతే అంత మంచిది. వార్షిక రుసుము లేని కార్డులను అప్పుడప్పుడు చిన్న కొనుగోళ్లకు ఉపయోగిస్తూ యాక్టివ్‌గా ఉంచండి. దీనివల్ల మీ క్రెడిట్ వయస్సు పెరిగి స్కోర్ మెరుగవుతుంది.

ఐదవది, మీ క్రెడిట్ రిపోర్టును క్రమం తప్పకుండా తనిఖీ చేయండి. బ్యాంకుల పొరపాట్ల వల్ల మీ చెల్లింపులు రికార్డు కాకపోవచ్చు. ఇలాంటి తప్పులు గమనించిన వెంటనే క్రెడిట్ బ్యూరోను సంప్రదించి సరిచేయించుకోండి. ఇది అనవసరమైన స్కోర్ తగ్గుదలను నివారిస్తుంది.

ఈ చిట్కాలు పాటిస్తే మీ క్రెడిట్ స్కోర్ 750 దాటడంలో సహాయపడతాయి.