తిరుమలలో గురువారం 66,500 మందికి దర్శనం; శుక్రవారం వేచి ఉండే సమయం ఇదే

తిరుమలలో గురువారం జరిగిన ప్రత్యేక సేవల కారణంగా స్వామి వారి దర్శనాల సంఖ్య తగ్గింది. ఉదయం తిరుప్పావడ సేవ, అన్నకూటోత్సవం, సాయంత్రం పూలంగి సేవ ఉండటంతో దర్శన సమయం సాధారణం కంటే తక్కువగా లభించింది.

గురువారం 66,500 మంది భక్తులకు దర్శనం కల్పించినట్టు TTD వెల్లడించింది. భక్తులు సమర్పించిన హుండీ కానుకల ద్వారా TTDకి రూ.4 కోట్ల 63 లక్షల ఆదాయం వచ్చింది. శుక్రవారం నాటికి భక్తుల రద్దీ సాధారణ స్థాయికి చేరింది. వైకుంఠం క్యూ కాంప్లెక్స్‌లోని 16 కంపార్ట్‌మెంట్లలో భక్తులు వేచి ఉన్నారు.

శుక్రవారం ఉదయం క్యూ లైన్‌లో చేరిన భక్తులకు సర్వదర్శనానికి 8 నుంచి 10 గంటలు పడుతుందని TTD అధికారులు తెలిపారు. రూ.300 ప్రత్యేక దర్శనానికి 3 గంటలు పడుతుంది. భక్తుల కోసం కొత్తగా రూపొందించిన వెంకటాద్రి యాప్‌ను శనివారం ప్రారంభించేందుకు TTD ఏర్పాట్లు చేస్తోంది.