వరుస సినిమాలతో కెరీర్ గ్యాప్‌ను తగ్గించే యువ హీరోలు

టాలీవుడ్‌లో యంగ్ హీరోలు రామ్, నితిన్, సాయి దుర్గ తేజ్ కెరీర్ గ్యాప్ రాకుండా ఉండేందుకు ఏకకాలంలో పలు సినిమాలు చేస్తున్నారు.

వరుస సినిమాలు ఆశించిన స్థాయి విజయం సాధించని రామ్ పోతినేని, తన స్టైల్ మార్చుకుని ఒకేసారి రెండు, మూడు కథలపై దృష్టి పెట్టారు. ఇప్పటికే ఒక దర్శకుడితో ఓ సినిమా ప్రారంభించారు.

నితిన్ కూడా ఇదే వ్యూహం అనుసరిస్తున్నారు. విఐ ఆనంద్ దర్శకత్వంలో భారీ ఫ్యాంటసీ మూవీ ప్రకటించారు. ఐ ఫేమ్ అంజీ దర్శకత్వంలో మరో సినిమా, సొంత బ్యానర్‌పై కొత్త దర్శకుడితో మూడో ప్రాజెక్టు చేస్తున్నారు.

పెద్ద బ్రేక్ కోసం ఎదురుచూస్తున్న సాయి దుర్గ తేజ్, ప్రస్తుతం షూటింగ్‌లో ఉన్న ‘సంబరాల ఏటిగట్టు’ చిత్రం చివరి దశకు చేరుకోవడంతో, కా సినిమా దర్శకద్వయం సుజిత్-సందీప్‌తో తదుపరి చిత్రం చేసే ఆలోచనలో ఉన్నారు.