టాక్సిక్: లేడీస్ అండ్ లేడీస్ వీడియో విడుదల; హింస, శృంగారంపై విమర్శలు

యశ్ హీరోగా నటిస్తున్న 'టాక్సిక్' చిత్రం నుంచి లేడీస్ అండ్ లేడీస్ పేరుతో కొత్త వీడియో విడుదలైంది.

ఈ వీడియోలో చిత్రంలోని ఐదుగురు నాయికలు నైనా, రుక్మిణి వసంత్, కియారా అద్వానీ, ఉమా ఖురేషీ, తారా సుతార్యా కనిపించారు. నైనా గ్లామర్‌తో ఆకట్టుకోగా, రుక్మిణి యాక్షన్ సన్నివేశాల్లో కొత్త గెటప్‌లో కనిపించారు. కియారా, ఉమా, తారా గ్లామర్ షోతో వీడియోను మెరిపించారు.

సినిమా ప్రారంభం నుంచి హింస, శృంగార సన్నివేశాల కారణంగా విమర్శలు ఎదురవుతున్నాయి. ప్రముఖ దర్శకుడు రామ్‌గోపాల్‌ వర్మ వంటి వారి నుంచి దర్శకురాలు గీతు మోహన్‌దాస్ కు ప్రశంసలు కూడా వచ్చాయి. విమర్శలపై స్పందిస్తూ, మహిళా దర్శకురాలిగా ఇలాంటి సన్నివేశాలు తీయడంపై వస్తున్న వ్యాఖ్యలతో తాను 'చిల్'గా ఉన్నానని గీతు అన్నారు. యశ్ స్వయంగా ఆమెకు మద్దతు తెలిపారు.

1986లో బాలనటిగా కెరీర్ మొదలుపెట్టిన గీతు, 2009లో షార్ట్ ఫిల్మ్ దర్శకత్వం చేపట్టారు. 2014లో 'లయర్స్ డైస్' చిత్రానికి రెండు జాతీయ అవార్డులు అందుకున్నారు. టాక్సిక్ కోసం ఇప్పటికే నాలుగు వీడియోలు విడుదలైయ్యాయి. మొదటి వీడియోలో డ్రగ్స్, పబ్, రొమాన్స్; రెండో దాంట్లో సింబాలిక్ ఇంటిమసీ సన్నివేశాలు; మూడో టీజర్‌లో తీవ్ర హింస — చెట్లు కత్తిరించే యంత్రంతో పీకలు కోయడం, బండరాయితో తల బద్దలు కొట్టడం వంటివి చూపించారు. ఈ స్థాయి హింస కారణంగా సెన్సార్ బోర్డు ఈ సినిమాకు అత్యున్నత సర్టిఫికేషన్ ఇవ్వడం, భారీగా కట్స్, బీప్స్, బ్లర్స్ విధించడం ఖాయమని చర్చ జరుగుతోంది.