హరీశ్ రావు సవాల్పై టీపీసీసీ చీఫ్ స్పందన: కాంగ్రెస్లోకి రావాలంటే చర్చించి నిర్ణయిస్తాం

బీఆర్ఎస్ సీనియర్ నేత హరీశ్ రావు తాజాగా కాంగ్రెస్ ప్రభుత్వానికి ఓపెన్ చాలెంజ్ విసిరారు. తనకు నీటిపారుదల శాఖ బాధ్యతలు మూడు నెలల పాటు అప్పగిస్తే రాష్ట్రంలోని సాగునీటి సమస్యలను పరిష్కరిస్తానని, లేకపోతే రాజకీయాల నుంచి తప్పుకుంటానని ఆయన ప్రకటించారు.

ఈ సవాలుపై తెలంగాణ పీసీసీ చీఫ్ మహేష్ కుమార్ గౌడ్ స్పందించారు. హరీశ్ రావు కాంగ్రెస్ పార్టీలో చేరాలని నిజంగా భావిస్తే, ఆ విషయాన్ని పార్టీ రాజకీయ వ్యవహారాల కమిటీలో చర్చించి నిర్ణయం తీసుకుంటామని చెప్పారు. చేర్చుకోవాలా వద్దా అనేది పార్టీ సమిష్టిగా నిర్ణయిస్తుందని స్పష్టం చేశారు.

హరీశ్ రావు సవాల్పై ఆయన ఎదురు దాడి చేశారు. పదేళ్లపాటు అధికారంలో ఉన్నప్పుడు చేయలేని పనిని మూడు నెలల్లో ఎలా చేయగలరని ప్రశ్నించారు. ప్రస్తుతం కాంగ్రెస్ ప్రభుత్వం గత ప్రభుత్వంలో జరిగిన తప్పులను సరిదిద్దుతోందని ఆయన పేర్కొన్నారు.