నోబెల్ శాంతి బహుమతి ఇవ్వకపోతే కమిటీకే తీవ్ర అప్రతిష్ట: ట్రంప్

అమెరికా అధ్యక్షుడు డొనాల్డ్ ట్రంప్ తనకు నోబెల్ శాంతి బహుమతి ఇవ్వకపోతే నోబెల్ కమిటీకి తీవ్ర అప్రతిష్ట కలుగుతుందని వ్యాఖ్యానించారు. శుక్రవారం నోబెల్ శాంతి బహుమతి ప్రకటన జరగనున్న నేపథ్యంలో ఆయన ఈ వ్యాఖ్యలు చేశారు. ట్రంప్ మాట్లాడుతూ, తాను ఎనిమిది యుద్ధాలను ముగించానని, బందీలందరినీ వెనక్కి తీసుకొచ్చానని, ప్రపంచాన్ని భారీ విధ్వంసం నుంచి కాపాడానని అన్నారు. ఇరాన్ ఎప్పటికీ అణ్వాయుధాన్ని కలిగి ఉండబోదని కూడా ఆయన పేర్కొన్నారు. గతసారి నోబెల్ బహుమతిని ఒక యువతికి ఇచ్చారని, ఆమె తనకు కాకుండా నాకే ఈ అవార్డు రావాల్సిందని చెప్పి ఆ అవార్డును నాకు ఇచ్చిందని ట్రంప్ తెలిపారు. బరాక్ ఒబామాకు నోబెల్ వచ్చిందని, కానీ ఆయన ఏమీ చేయలేదని, ఆ అవార్డు ఎందుకు వచ్చిందో ఒబామాకు కూడా తెలియదని ట్రంప్ విమర్శించారు. అదే కార్యక్రమంలో ట్రంప్ 'ట్రంప్ అకౌంట్స్' పేరుతో అమెరికాలోని ప్రతి అర్హత కలిగిన చిన్నారిని ఆటోమేటిక్గా పన్ను రహిత పెట్టుబడి ఖాతాలో చేర్చినట్లు ప్రకటించారు. 18 ఏళ్లలోపు పిల్లల ఖాతాల్లో అమెరికా ట్రెజరీ $1,000 జమ చేస్తుందని, ఈ డబ్బు వారికి 18 ఏళ్లు నిండిన తర్వాత ప్రయోజనం కోసం ఉపయోగపడుతుందని తెలిపారు. Uber, Intel, Nvidia తదితర 70 పైగా కంపెనీలు ఈ పథకంలో భాగస్వామ్యం అయ్యాయని పేర్కొన్నారు. నోబెల్ కమిటీ నిర్ణయం శుక్రవారం ప్రకటన కానుండగా, తనకు బహుమతి రాకపోతే అది కమిటీకే అప్రతిష్ట అవుతుందని ట్రంప్ స్పష్టం చేశారు.