హైదరాబాద్‌లో TV9 స్వీట్ హోమ్ రియల్ ఎస్టేట్ ఎక్స్పో 2026 ప్రారంభం

హైదరాబాద్‌లోని మాదాపూర్ హైటెక్స్‌లో TV9 స్వీట్ హోమ్ రియల్ ఎస్టేట్ ఎక్స్పో 2026 ప్రారంభమైంది. ఈ ఎక్స్‌పోను తెలంగాణ మంత్రి పొంగులేటి శ్రీనివాస్ రెడ్డి ప్రారంభించారు.

ఈ ఎక్స్‌పోలో 80కి పైగా రియల్ ఎస్టేట్ కంపెనీల స్టాల్స్ ఏర్పాటు చేశారు. తొలిరోజు భారీ సంఖ్యలో ప్రజలు హాజరయ్యారు. విల్లాలు, అపార్ట్‌మెంట్‌లు, ఫామ్‌హౌస్‌లు, స్వతంత్ర గృహాలు వంటి వివిధ రకాల ప్రాపర్టీలు ప్రదర్శనలో ఉన్నాయి.

పొంగులేటి శ్రీనివాస్ రెడ్డి మాట్లాడుతూ, రియల్ ఎస్టేట్ మార్కెట్ పడిపోయిందనే విమర్శలను కొట్టిపారేశారు. ఫ్లాట్లు, భూముల కొనుగోళ్లు ప్రతి నెలా 15-20 శాతం పెరుగుతున్నాయని ఆయన తెలిపారు. గత రెండున్నర ఏళ్లలో రియల్ ఎస్టేట్ 40 శాతం వృద్ధి చెందిందని పేర్కొన్నారు. కంపెనీలు తక్కువ ధరలకు ఇళ్లు అమ్మాలని ఆయన సూచించారు.

హైదరాబాద్‌లో నానక్‌రంగూడ, బాచుపల్లి తదితర ప్రాంతాల్లోని ప్రాజెక్ట్‌లతో పాటు పలు కంపెనీలు ఈ ఎక్స్‌పోలో పాల్గొంటున్నాయి. ఒకే చోట ఇన్ని కంపెనీల స్టాల్స్ ఏర్పాటు చేయడం సందర్శకులకు సౌకర్యంగా మారింది. సొంతిల్లు కొనాలనుకునేవారికి ఇది మంచి అవకాశంగా నిర్వాహకులు చెబుతున్నారు.

ఈ ఎక్స్‌పో ఆదివారం వరకు కొనసాగుతుంది. ఉదయం 10 గంటల నుంచి రాత్రి 7 గంటల వరకు ప్రవేశం ఉచితం. రెండో రోజు ఆదివారం కావడంతో మరింత మంది సందర్శకులు వచ్చే అవకాశం ఉందని స్టాల్‌ ఓనర్లు ఆశిస్తున్నారు.