నాగోల్‌లో ఇద్దరు చిన్నారులు 9 రోజులుగా కనిపించకుండా పోయారు

హైదరాబాద్‌లోని నాగోల్ ప్రాంతంలో ఇద్దరు చిన్నారులు గత నెల 31వ తేదీ నుంచి కనిపించకుండా పోయారు. తొమ్మిది రోజులు గడిచినా వారి ఆచూకీ లభించలేదు.

కుటుంబ సభ్యులు తెలిపిన వివరాల ప్రకారం, ఆ రోజు ఉదయం 8:30 గంటలకు తల్లి పని నుంచి ఇంటికి వచ్చారు. ఆ సమయంలో పిల్లలు ఇంటి బయట ఆడుకుంటున్నారు. స్కూల్ bag తీసుకురావడానికి ఆమె లోపలికి వెళ్లారు. తిరిగి బయటకు వచ్చేసరికి పిల్లలు అక్కడ లేరు.

పిల్లలు సమీపంలోని గుడి దగ్గర ఆడుకుంటారని, మధ్యాహ్నం భోజనం సమయానికి వస్తారని కుటుంబం అనుకుంది. అందుకే మొదట వెంటనే వెతకలేదు. సాయంత్రం అయినా పిల్లలు ఇంటికి రాలేదు.

పిల్లలను ఎప్పుడూ కొట్టలేదని, తిట్టలేదని కుటుంబ సభ్యులు చెప్తున్నారు. ఇంట్లో నుంచి వెళ్లిపోతామని పిల్లలు ఎప్పుడూ అనలేదని వారు తెలిపారు. తొమ్మిది రోజులు గడిచినా ఆచూకీ లేకపోవడంతో కిడ్నాప్ జరిగి ఉండవచ్చని కుటుంబం అనుమానం వ్యక్తం చేస్తోంది.

ఈ కేసుపై పోలీసులు విచారణ చేపట్టారు. ఒక బృందం గాలింపు చర్యలు నిర్వహిస్తోంది. గాలిస్తున్నామని పోలీసులు కుటుంబ సభ్యులకు తెలిపారని వారు చెప్పారు. కుటుంబ సభ్యులు పోలీస్ కమిషనర్‌ను కలిసి వివరాలు అడిగారు.

కుటుంబ సభ్యులే రాత్రి నుంచి ఉదయం 6 గంటల వరకు వెతికారు. చిన్నారుల ఆచూకీ లభిస్తే వెంటనే తల్లిదండ్రులకు అప్పగించాలని కుటుంబం విజ్ఞప్తి చేస్తోంది. పోలీసుల విచారణ కొనసాగుతోంది.