చైనాలో టైఫూన్ మేసక్ బీభత్సం: వరదలతో స్నేక్ ఫామ్ కూలి 900కి పైగా విష సర్పాలు బయటకు

టైఫూన్ మేసక్ కారణంగా దక్షిణ చైనాలో భారీ వర్షాలు, వరదలు సంభవించాయి. హ్యాంగ్జో నగరంలో కుండపోత వర్షానికి రిజర్వాయర్లు దెబ్బతిని లోతట్టు ప్రాంతాలు జలమయమయ్యాయి.

గ్వాంగ్జీ ప్రావిన్సులోని డెంగవే గ్రామంలో ఉన్న ఒక కమర్షియల్ స్నేక్ బ్రీడింగ్ ఫామ్ వరద ధాటికి కూలిపోయింది. దీంతో అక్కడ పెంచుతున్న 900కి పైగా విష సర్పాలు తప్పించుకుని బయటకు వచ్చాయి. వీటిలో ప్రాణాంతకమైన కింగ్ కోబ్రాలు కూడా ఉన్నాయి.

అప్పటికే ఇళ్లల్లోకి చేరిన వరద నీటిలో ఈ పాములు ఈదుకుంటూ గ్రామంలో ప్రవేశించాయి. చాలా మంది గ్రామస్థులు పాము కాటుకు గురయ్యారు. వరదల వల్ల రోడ్లు దెబ్బతినడంతో యాంటీ వెనమ్ సహాయం అందించడం కష్టమైంది.

పరిస్థితిని ఎదుర్కొనేందుకు స్థానిక యువకులు స్వచ్ఛంద స్నేక్ క్యాచింగ్ టీమ్ ఏర్పాటు చేసి వలలు, ఎలక్ట్రిక్ షాక్ పరికరాలతో పాములను పట్టుకుంటున్నారు. ప్రస్తుతం ఈ గ్రామంలో ఆరోగ్య భద్రతా చర్యలు కొనసాగుతున్నాయి.