టైర్లలో గాలి తక్కువగా ఉండడంతో ఏటా ₹4,500 కోట్ల పెట్రోల్ వృధా: ATMA

దేశంలోని వాహనాల్లో సిఫార్సు చేసిన స్థాయి కంటే తక్కువ గాలితో టైర్లను నడపడం వలన ఏటా ₹4,500 కోట్ల విలువైన పెట్రోల్ వృధా అవుతోంది.

ఆటోమోటివ్ టైర్ మానుఫ్యాక్చరర్స్ అసోసియేషన్ (ATMA) ఈ విషయాన్ని వెల్లడించింది. భారతీయ టైర్ టెక్నికల్ అడ్వైజరీ కమిటీ నిర్వహించిన అధ్యయనంలో ఈ వివరాలు వెలుగులోకి వచ్చాయి. సర్వే ప్రకారం దేశవ్యాప్తంగా ఏటా 42.57 కోట్ల లీటర్ల పెట్రోల్ నష్టపోతున్నారు.

వాహన తయారీ సంస్థలు ప్రతి మోడల్కు సూచించిన టైర్ ప్రెషర్ను పాటించకపోతే ఇంధన వినియోగం పెరుగుతుందని, నిర్వహణ ఖర్చులు కూడా ఎక్కువవుతాయని నిపుణులు చెబుతున్నారు. అధ్యయనంలో దేశంలోని చాలా వాహనాలు 0.75% వరకు సామర్థ్యం కోల్పోతున్నాయని తేలింది.

వాహనదారులు తరచూ టైర్లలో గాలిని పరిశీలించుకోవడం, తయారీదారుల సూచనలు పాటించడం ద్వారా ఇంధనం ఆదా చేసుకోవచ్చని ATMA సూచిస్తోంది.