కరీంనగర్‌లో పోలీసు ఉద్యోగాల కోసం నిరుద్యోగ యువత కోచింగ్‌తో ప్రిపేర్ అవుతున్నారు

కరీంనగర్‌లో నిరుద్యోగ యువత 7,500 పోలీసు ఉద్యోగాల నోటిఫికేషన్ కోసం స్థానిక కోచింగ్ సెంటర్లలో కష్టపడుతున్నారు.

రాత పరీక్షతో పాటు ఫిజికల్ టెస్ట్‌కు అవసరమైన రన్నింగ్, జంపింగ్, తాడు ఎక్కడం వంటివి ప్రాక్టీస్ చేస్తున్నారు. హైదరాబాద్‌లోని అమీర్‌పేట్, దిల్‌సుఖ్‌నగర్ వంటి ఖరీదైన ప్రాంతాలకు వెళ్లకుండా ఇక్కడే తక్కువ ఖర్చుతో పూర్తి స్థాయి శిక్షణ పొందుతున్నారు.

ప్రతి రోజూ సబ్జెక్టుల వారీగా టెస్ట్‌లు, ప్రతి ఆదివారం గ్రాండ్ టెస్ట్ నిర్వహిస్తున్నట్లు అస్పైరెంట్ ఒకరు తెలిపారు. "గ్రౌండ్ మీద రోజుకు 1.5 నుంచి 2 గంటలు ప్రాక్టీస్ చేసి, తర్వాత క్లాసులు అటెండ్ అవుతాం. టాపిక్ పూర్తయితే సాయంత్రం టెస్ట్ ఉంటుంది," అని ఆయన వివరించారు.

ఫిజికల్ ఫిట్‌నెస్, మెరిట్ సాధించగలిగితే ఆర్మూర్ రిజర్వు, టీఎస్ఎస్పీ విభాగాల్లో ఉద్యోగాలు సాధించే అవకాశం ఉందని, రాత పరీక్షలో మంచి మార్కులు తెచ్చుకుంటే సివిల్ విభాగంలో అవకాశం దక్కుతుందని ఆశావహులు చెబుతున్నారు. గతంలో అవగాహన లేక ఉద్యోగం మిస్ అయినా, ఈసారి కచ్చితంగా కొట్టాలని సన్నద్ధమవుతున్నారు.