అమెరికా F, J, I వీసాలపై కఠిన నిబంధనలు; భారత విద్యార్థులపై ప్రభావం

అమెరికా ప్రభుత్వం F, J, I వీసాల నియమాలను కఠినతరం చేసే ప్రతిపాదనలు చేసింది. డిపార్ట్మెంట్ ఆఫ్ హోమ్‌ల్యాండ్ సెక్యూరిటీ ఈ కొత్త నిబంధనలను విడుదల చేసింది.

F1 వీసా ద్వారా అమెరికా వెళ్లే విదేశీ విద్యార్థులు ఇక నుంచి నాలుగు సంవత్సరాలు మాత్రమే అక్కడ ఉండేందుకు అనుమతి ఉంటుంది. నాలుగేళ్లకు మించి ఉండాలంటే USCIS ద్వారా ఎక్స్‌టెన్షన్ కోసం దరఖాస్తు చేసుకోవాలి.

గ్రాడ్యుయేషన్ పూర్తయిన తర్వాత అమెరికాను వదిలి వెళ్లడానికి లేదా వీసా స్టేటస్ మార్చుకోవడానికి గతంలో 60 రోజుల సమయం ఇచ్చేవారు. కొత్త నిబంధన దీనిని 30 రోజులకు కుదించింది.

ప్రస్తుతం అమెరికాలో చదువుతున్న 3.3 లక్షల మంది భారతీయ విద్యార్థులపై ఈ మార్పు ప్రభావం ఉంటుంది. J వీసా ద్వారా వచ్చే ఎక్స్‌చేంజ్ విజిటర్లు, I వీసాలపై వచ్చే మీడియా ప్రతినిధులకు కూడా నిర్దిష్ట కాల పరిమితి విధించనున్నారు.

ఈ ప్రతిపాదన ప్రస్తుతం అమెరికా కాంగ్రెస్ పరిశీలనలో ఉంది. ఆమోదం పొందితేనే ఇది చట్టంగా అమల్లోకి వస్తుంది.