అమెరికాలో వరుసగా మాయమవుతున్న శాస్త్రవేత్తలు: రహస్యం ఏమిటి?

అమెరికాలో గత ఒక సంవత్సర కాలంలో 11 మంది శాస్త్రవేత్తలు మాయమవడం లేదా మరణించడం తీవ్ర సంచలనం రేపుతోంది. వీరంతా లాస్ అల్మోస్ నేషనల్ లాబొరేటరీతో ప్రత్యక్షంగా లేదా పరోక్షంగా సంబంధం కలిగి ఉన్నారు. అణు సాంకేతికత, అంతరిక్ష పరిశోధన, అధునాతన ఆయుధాలు వంటి రహస్య రంగాలలో పనిచేసిన వీరు ఒకరొకరుగా కనిపించకుండా పోవడం అమెరికన్ శాస్త్రవేత్తల లోకాన్ని ఆందోళనకు గురిచేస్తోంది.

ఈ కేసులలో ముఖ్యంగా చర్చకు వస్తున్న పేరు ఆంతోనీ చావేజ్. ఈయన క్వాంటం ఫిజిక్స్ పై పరిశోధనలు చేస్తూ గత సంవత్సరం మే నెల నుండి మాయమయ్యారు. ఒకే వ్యక్తి ఒకే సమయంలో రెండు ప్రదేశాలలో ఉండటం సాధ్యమేనా అనే కాన్సెప్ట్ పై ఆయన ప్రయోగాలు నిర్వహిస్తున్నట్లు చెప్పేవారు. తాజాగా వెలువడిన పోలీస్ రిపోర్ట్ లో ఆయన UFO మరియు ఏలియన్ పరిశోధనలు చేస్తున్నట్లు నిర్ధారించడం మరింత సంచలనం సృష్టించింది.

క్వాంటం సూపర్పొజిషన్ అనే సిద్ధాంతం ప్రకారం మన కంటికి కనిపించే ప్రపంచాలతో పాటు ఇతర ప్రపంచాలు కూడా ఉంటాయని, ఏకకాలంలో ఒకే వ్యక్తి వేర్వేరు చోట్ల ఉండే అవకాశం ఉంటుందని శాస్త్రవేత్తలు చర్చిస్తున్నారు. ఇదే టెలిపోర్టేషన్ సిద్ధాంతానికి సంబంధించినదని కొందరు అభిప్రాయపడుతున్నారు.

రిపబ్లికన్ ప్రతినిధి ఎరిక్ బెర్లిసన్ ఇది ఒక విదేశీ ఆపరేషన్ కావచ్చని అనుమానిస్తున్నారు. మరికొందరు ఈ శాస్త్రవేత్తలు తాము చేస్తున్న పరిశోధనల్లో భాగంగానే అదృశ్యమయ్యారని భావిస్తున్నారు. 2022 నుండి ఇప్పటి వరకు జరిగిన ఈ ఘటనలపై దర్యాప్తు సంస్థలు విచారణ చేపట్టాల్సి ఉంది.