గ్రీన్ కార్డ్ ప్రక్రియ నిలిపివేత: ఇన్ఫోసిస్, టాటా, విప్రోపై అమెరికా కార్మిక శాఖ చర్య

అమెరికా కార్మిక శాఖ (US Department of Labor) గ్రీన్ కార్డ్ ప్రక్రియలో భాగమైన శాశ్వత లేబర్ సర్టిఫికేషన్ (PERM) ప్రాసెసింగ్‌ను Cognizant, Infosys, Tata, Wipro, HCL, Capgemini, Microsoft, Adobe కంపెనీలకు సస్పెండ్ చేసింది. వీసా మోసాలపై కొనసాగుతున్న ఫెడరల్ దర్యాప్తుల కారణంగా ఈ నిర్ణయం తీసుకున్నట్లు అమెరికా ఉపాధ్యక్షుడు JD వాన్స్ తెలిపారు.

కొత్త దరఖాస్తులను స్వీకరించడం, పెండింగ్‌లో ఉన్న శాశ్వత లేబర్ సర్టిఫికేషన్ అప్లికేషన్లను ప్రాసెస్ చేయడం రెండింటినీ నిలిపివేస్తున్నట్లు కార్మిక శాఖ కార్యదర్శి Keith Sonderling వెల్లడించారు. 2009 నుంచి ఈ కంపెనీలు దాదాపు 30 లక్షల మంది విదేశీ కార్మికుల కోసం దరఖాస్తులు చేసుకున్నాయి. వీటికి 2,30,000 కంటే ఎక్కువ H-1B వీసా ఆమోదాలు, 1,00,000 కంటే ఎక్కువ శాశ్వత లేబర్ సర్టిఫికేషన్లు లభించాయి.

DOL యాంటీ ఫ్రాడ్ టాస్క్ ఫోర్స్ సుమారు 20 బిలియన్ డాలర్ల వీసా మోసాన్ని గుర్తించి, 200కు పైగా నేరారోపణలు నమోదు చేసింది. Microsoft విషయంలో గత ఏడాది 6,000 మంది అమెరికన్ ఉద్యోగులను తొలగించగా, అదే సమయంలో 6,300 H-1B వీసాలు, దాదాపు 3,000 గ్రీన్ కార్డుల ప్రయోజనం పొందినట్లు JD వాన్స్ పేర్కొన్నారు. అదే విధంగా J-1 వీసా వినియోగంపై కూడా దర్యాప్తు నడుస్తోంది. Harvard, Yale, Stanford సహా తొమ్మిది విశ్వవిద్యాలయాలు ఫెడరల్ గ్రాంట్ల కోసం J-1 వీసాదారులను 61 శాతం రేటుతో నియమిస్తున్నాయని, జాతీయ సగటు 38 శాతమని అధికారులు తెలిపారు. కొత్త అప్లికేషన్లు, పెండింగ్ దరఖాస్తులపై ఈ సస్పెన్షన్ ఇప్పటి నుంచి అమల్లో ఉంటుందని కార్మిక శాఖ స్పష్టం చేసింది.