వరంగల్ శ్రీ రాజరాజేశ్వరి ఆలయంలో వరలక్ష్మీ వ్రత పూజలు

వరంగల్‌లోని శ్రీ రాజరాజేశ్వరి ఆలయంలో వరలక్ష్మీ వ్రత పూజలు జరిగాయి. MGM హాస్పిటల్ సమీపంలోని ఈ ఆలయంలో 1976 నుంచి సామూహిక సహస్ర వరలక్ష్మీ వ్రతాలు నిర్వహిస్తున్నారు.

శ్రావణ మాసంలో పౌర్ణమికి ముందు వచ్చే శుక్రవారం రోజున ఈ వ్రతాన్ని చేస్తారు. పురాణ కథనం ప్రకారం చారుమతి అనే మహిళకు అమ్మవారు కలలో కనిపించి ఈ వ్రతం గురించి చెప్పారని ఆలయ పూజారులు తెలిపారు. ఈ వ్రతంతో కుటుంబ శ్రేయస్సు, సమృద్ధి లభిస్తుందని భక్తుల నమ్మకం.

వరలక్ష్మీ వ్రతం రోజున ఆలయ చైర్మన్ కుటుంబం, పోలీ సుందరయ్య కుటుంబం భోజన ప్రసాదాలు అందిస్తున్నాయని ఆలయ పూజారులు తెలిపారు. ఈ కార్యక్రమంలో మహిళా భక్తులు పాల్గొన్నారు.