వారణాసి సినిమాను 50 భాషల్లో డబ్బింగ్ చేసేందుకు ఏర్పాట్లు

బాహుబలి, RRR చిత్రాల దర్శకుడు ఎస్ఎస్ రాజమౌళి నటుడు మహేష్ బాబుతో 'వారణాసి' చిత్రం తెరకెక్కిస్తున్నారు. ఈ చిత్రాన్ని 50 భాషల్లో డబ్బింగ్ చేసేందుకు ఏర్పాట్లు జరుగుతున్నాయి. సినీ వర్గాల సమాచారం ప్రకారం, ఈ చిత్రాన్ని 120 దేశాల్లో విడుదల చేయాలని యూనిట్ భావిస్తోంది.

అందులో 50 దేశాల్లో ఒకేసారి రిలీజ్ చేసేందుకు ప్రణాళికలు సిద్ధమవుతున్నాయి. ప్రతి భాషకు AI వాయిస్ టెక్నాలజీ వాడకుండా ఒరిజినల్ డబ్బింగ్ ఆర్టిస్టులను ఎంపిక చేయాలని రాజమౌళి నిర్ణయించినట్లు తెలుస్తోంది. ఇందుకోసం దాదాపు 1500 మందికి పైగా డబ్బింగ్ ఆర్టిస్టులకు ఆడిషన్లు నిర్వహించనున్నారు.

ఈ చిత్రంలో నటి ప్రియాంక చోప్రా హీరోయిన్‌గా నటిస్తున్నారు. మలయాళ నటుడు పృథ్విరాజ్ సుకుమారన్ ఓ కీలక పాత్రలో కనిపించనున్నారు. శ్రీదుర్గ ఆర్ట్స్, షోయింగ్ బిజినెస్ బ్యానర్లపై కేఎల్ నారాయణ, ఎస్ఎస్ కార్తికేయ నిర్మిస్తున్నారు. ఎంఎం కీరవాణి సంగీతం అందిస్తున్నారు.

ప్రస్తుతం షూటింగ్ వేగంగా జరుగుతోంది. వారణాసి చిత్రం వచ్చే ఏడాది ఏప్రిల్ 7న ప్రపంచవ్యాప్తంగా థియేటర్లలో విడుదల కానుంది.