వారణాసి Vs రామాయణ: ఎవరి స్ట్రాటజీ వర్కవుట్ అవుతుంది?

ఇండియన్ సిల్వర్ స్క్రీన్ మీద రెండు భారీ చిత్రాల మధ్య పోటీ జరగనుంది. మహేష్ బాబు హీరోగా రాజమౌళి తెరకెక్కిస్తున్న వారణాసి మరియు రణ్బీర్ కపూర్ హీరోగా నమిత్ మల్హోత్ర నిర్మిస్తున్న రామాయణ చిత్రాలు ఇప్పుడు హాట్ టాపిక్ గా మారాయి. గ్లోబల్ మార్కెట్ ని లక్ష్యంగా చేసుకున్న ఈ రెండు సినిమాలు బాక్స్ ఆఫీస్ దగ్గర విధ్వంసం సృష్టిస్తాయని అంచనాలు వినిపిస్తున్నాయి.

సుమారు నాలుగువేల కోట్ల బడ్జెట్ తో తెరకెక్కనున్న రామాయణ చిత్రంలో రణ్బీర్ కపూర్, యష్, సాయి పల్లవి లాంటి క్రేజీ నటీనటులు నటిస్తున్నారు. అవతార్ రేంజ్ VFX తో మన ఇతిహాసాన్ని ప్రపంచానికి చాటి చెప్పాలని నమిత్ మల్హోత్ర చూస్తున్నారు. అయితే ప్యూర్ మైథాలజీ కి గ్లోబల్ స్థాయిలో ఆడియన్స్ కనెక్ట్ అవుతారా లేదా అనే అనుమానం ఉంది. రామాయణం హైలీ సెన్సిటివ్ సబ్జెక్ట్ కావడంతో మేకర్స్ జాగ్రత్తగా అడుగులు వేస్తున్నారు.

వారణాసి విషయానికి వస్తే రాజమౌళి బ్రాండ్ ఇమేజ్ ఈ చిత్రానికి బాగా హెల్ప్ అవుతుందని భావిస్తున్నారు. RRR మూవీ గ్లోబల్ స్థాయిలో సృష్టించిన రికార్డులు ఆడియన్స్ ఇంకా మర్చిపోలేదు. అడ్వెంచర్ యాక్షన్ మూవీలో ఉండే ముప్పై నిమిషాల రామాయణ ఎపిసోడ్ వరల్డ్ ఆడియన్స్ ని వేరే లోకంలోకి తీసుకెళ్తుందని రాజమౌళి గట్టిగా నమ్ముతున్నారు. ఇండియన్ సినిమా స్టాండర్డ్స్ ని హాలీవుడ్ లెవెల్ కి తీసుకెళ్లాలని కలలు కంటున్నారు.

మొత్తానికి ఈ రెండు చిత్రాల మధ్య పోటీలో ఎవరి గ్లోబల్ స్ట్రాటజీ వర్కవుట్ అవుతుందో, ఏ సినిమా బ్లాక్బస్టర్ రేంజ్ లో ప్రూవ్ చేసుకుంటుందో అన్నది చూడాలి.