విజయ్ దేవరకొండ 'రణబాలి' వాయిదా; దసరా లేదా దీపావళికి రిలీజ్ అంచనా

నటుడు విజయ్ దేవరకొండ, నటి రష్మిక మంధన నటిస్తున్న 'రణబాలి' చిత్రం విడుదల వాయిదా పడింది. గతంలో సెప్టెంబర్ 11న విడుదల కావాల్సిన ఈ చిత్రం ప్రస్తుతం వాయిదా వేసినట్లు సమాచారం.

రాహుల్ సాంకృత్యం దర్శకత్వంలో తెరకెక్కుతున్న ఈ చిత్రంపై మొదటి నుంచీ భారీ అంచనాలు ఉన్నాయి. పెళ్లి తర్వాత విజయ్-రష్మిక జంటగా నటిస్తున్న తొలి సినిమా కావడం ఈ ప్రాజెక్ట్‌కు అదనపు ఆకర్షణగా మారింది.

నిర్మాతలు ఈ సినిమాను పండుగ సీజన్‌లో విడుదల చేసేందుకు ప్రణాళికలు సిద్ధం చేస్తున్నట్లు తెలుస్తోంది. ప్రస్తుతం పోస్ట్ ప్రొడక్షన్ పనులు జరుగుతున్నాయి. దసరా కానుకగా అక్టోబర్ 16 లేదా దీపావళి సందర్భంగా నవంబర్ 6 తేదీలను పరిశీలిస్తున్నట్లు చిత్ర వర్గాల సమాచారం.

చిత్రం కొత్త విడుదల తేదీపై త్వరలోనే అధికారిక ప్రకటన వెలువడే అవకాశం ఉంది.