విజయవాడ దుర్గమ్మ దసరా ఉత్సవాలు 11 నుంచి 20 వరకు

విజయవాడ ఇంద్రకీలాద్రిపై ఉన్న శ్రీ దుర్గామల్లేశ్వర స్వామి ఆలయంలో దసరా ఉత్సవాల ఏర్పాట్లు చివరి దశకు చేరుకున్నాయి. ఆలయ అధికారులు భక్తుల సౌకర్యాల కోసం ఏర్పాట్లు చేస్తున్నారు. ఆంధ్రప్రదేశ్ నుంచే కాకుండా పొరుగు రాష్ట్రాల నుంచి కూడా భక్తులు వస్తుంటారు.

దసరా ఉత్సవాలు 11వ తేదీ నుంచి 20వ తేదీ వరకు జరుగుతాయి. పది రోజుల పాటు అమ్మవారు ప్రతిరోజు ఒక్కో అలంకారంలో దర్శనం ఇస్తారు.

మొదటి రోజు 11వ తేదీన శ్రీ కనకదుర్గా దేవి బాల త్రిపుర సుందరి అలంకారంలో దర్శనం ఇస్తారు. 12వ తేదీన గాయత్రీ దేవిగా, 13వ తేదీన అన్నపూర్ణ దేవిగా దర్శనం ఇస్తారు. 14వ తేదీన మహాచండి దేవిగా, 15వ తేదీన లలితా త్రిపుర సుందరి దేవిగా దర్శనం ఇస్తారు.

16వ తేదీ శుక్రవారం మూలా నక్షత్రం సందర్భంగా సరస్వతీ దేవి అలంకారంలో దర్శనం ఇస్తారు. అదే రోజు ముఖ్యమంత్రి చంద్రబాబు నాయుడు రాష్ట్ర ప్రభుత్వం తరపున అమ్మవారికి పట్టు వస్త్రాలు సమర్పిస్తారు.

17వ తేదీన మహాలక్ష్మి దేవిగా దర్శనం ఇస్తారు. 18వ తేదీ దుర్గాష్టమి సందర్భంగా దుర్గాదేవిగా దర్శనం ఇస్తారు. 19వ తేదీ మహర్నవమి సందర్భంగా మహిషాసుర మర్ధిని దేవిగా దర్శనం ఇస్తారు. చివరి రోజు 20వ తేదీ విజయదశమి సందర్భంగా రాజరాజేశ్వరి దేవి అలంకారంలో అమ్మవారు దర్శనం ఇస్తారు.