విజయవాడ ఉత్సవ్ 2.0 అక్టోబర్ 15 నుంచి 30 వరకు; నేషనల్ సరస్ మేళా

విజయవాడలో అక్టోబర్ 15 నుంచి 30 వరకు విజయవాడ ఉత్సవ్ 2.0 నిర్వహించనున్నారు. ఈ విషయాన్ని విజయవాడ ఎంపీ కేశినేని శివనాథ్ తెలిపారు.

కేంద్ర మంత్రి రామ్మోహన్ నాయుడు చేతుల మీదుగా ఉత్సవాలు ప్రారంభమవుతాయని ఎంపీ తెలిపారు. పున్నమి ఘాట్, స్వరాజ్య మైదానం, మంత్రి బసవన్న స్టేడియం వేదికలుగా ఉంటాయి.

స్థానిక కళాకారుల ప్రదర్శనలు, సాంస్కృతిక కార్యక్రమాలు నిర్వహిస్తారు. ఏనుగుల అంబారీ ఊరేగింపు, కబడ్డీ, వాలీబాల్ పోటీలు, సినిమా ప్రదర్శనలు ఉంటాయి.

అదే సమయంలో నేషనల్ సరస్ మేళా కూడా జరుగుతుంది. ఈ కార్యక్రమాల పూర్తి షెడ్యూల్ త్వరలో ప్రకటిస్తామని ఎంపీ చెప్పారు.