విక్రమ్-1 రాకెట్ ప్రయోగం సాంకేతిక సమస్యతో వాయిదా

శ్రీహరికోట నుంచి ప్రయోగించే విక్రమ్-1 రాకెట్ ప్రయోగం చివరి నిమిషంలో సాంకేతిక సమస్య కారణంగా వాయిదా పడింది. ఇంధనం నింపే ప్రక్రియలో సమస్య తలెత్తడంతో లాంచ్ను హోల్డ్ చేశారు.

విక్రమ్-1 భారతదేశంలోని తొలి ప్రైవేట్ రాకెట్. ఇది మూడు దశల రాకెట్ కాగా, మొదటి రెండు దశలు ఘన ఇంధనంతో పనిచేస్తాయి. మూడో దశ ఉపగ్రహాన్ని నిర్దేశిత కక్ష్యలో ప్రవేశపెడుతుంది. ఈరోజు ఉదయం 11:30 గంటలకు ప్రయోగం జరగాల్సి ఉంది.

కౌంట్డౌన్ సమయంలో చివరి ఐదు నిమిషాల ముందు ఇంధన నింపే ప్రక్రియలో సాంకేతిక సమస్యను గుర్తించారు. దీంతో ప్రయోగం నిలిపివేశారు.

సమస్య స్వల్పమైతే నిమిషాల వ్యవధిలోనే సరిచేసి ప్రయోగం చేపట్టే అవకాశం ఉందని శాస్త్రవేత్తలు భావిస్తున్నారు. లీకేజీ వంటి పెద్ద సమస్య అయితే రాకెట్ను డిస్మాంటిల్ చేయాల్సి రావచ్చు, దీనికి రోజులు పట్టొచ్చు.

ప్రస్తుతం ఇస్రో ఛైర్మన్ నారాయణన్, స్కైరూట్ ప్రతినిధులు సమస్యపై చర్చిస్తున్నారు. త్వరలోనే అధికారిక ప్రకటన వెలువడుతుంది. ఈ ప్రయోగాన్ని వీక్షించేందుకు పెద్ద సంఖ్యలో విద్యార్థులు, ఉపాధ్యాయులు శ్రీహరికోట చేరుకున్నారు.