పారాసిటమాల్తో బట్టలు ఉతికే వీడియో వైరల్; మందుల దుర్వినియోగంపై విమర్శలు

ఒక మహిళ వాషింగ్ మెషిన్లో మురికి బట్టలతో పాటు పారాసిటమాల్ మాత్రలు వేసి ఉతికిన వీడియో సోషల్ మీడియాలో వైరల్ అవుతోంది.

కొంత సేపటి తర్వాత బట్టలు మరకలు లేకుండా శుభ్రంగా కనిపించాయని ఆ వీడియోలో చూపించారు. కాలర్ పసుపు మరకలు ఉన్న తెల్ల చొక్కాను నీటి తొట్టెలో ముంచి పారాసిటమాల్ మాత్రలు వేశారు. తర్వాత చొక్కా తెల్లగా మారిందని వీడియోలో కనిపించింది.

ఈ వీడియోను లక్షలాది మంది చూశారు. వేలాది మంది లైక్ చేశారు. కొందరు ఇది మ్యాజిక్ అని కామెంట్ చేశారు. మరికొందరు మందులను బట్టలు ఉతకడానికి వాడటం సరికాదని విమర్శించారు.

సాధారణ డిటర్జెంట్ పొడులు అందుబాటులో ఉన్నప్పుడు మందులను వృధా చేయడం సరికాదని నిపుణులు సూచిస్తున్నారు.