విశాఖ స్టీల్ ప్లాంట్ ప్రమాదంలో 7 మందిపై సస్పెన్షన్

విశాఖ స్టీల్ ప్లాంట్‌లో గత నెల 8న జరిగిన ప్రమాదానికి సంబంధించి 7 మంది ఉద్యోగులపై సస్పెన్షన్ వేటు పడింది. ఇందులో ఆరుగురు ఆపరేషన్స్ విభాగానికి చెందిన అధికారులు, ఒక సేఫ్టీ డిప్యూటీ మేనేజర్ ఉన్నారు.

ఈ ప్రమాదం SMS-1 యూనిట్‌లో చోటుచేసుకుంది. ఇందులో 10 మంది కార్మికులు మృతి చెందారు. ప్రమాదానికి గల కారణాలపై త్రిసభ్య కమిటీ అంతర్గత విచారణ చేసింది. సిబ్బంది నిర్లక్ష్యమే ప్రమాదానికి కారణమని ఆ కమిటీ నిర్ధారించింది.

ఈ నివేదిక ఆధారంగా యాజమాన్యం సస్పెన్షన్ చర్యలు తీసుకుంది. భవిష్యత్తులో ఇలాంటి ఘటనలు పునరావృతం కాకుండా నివారణ చర్యలపై మరో కమిటీ విచారణ జరుపుతోంది. డిప్యూటీ సీఎం పవన్ కల్యాణ్ ఈ విషయంపై త్వరలో సమీక్ష సమావేశం నిర్వహించనున్నారు.