వనపర్తిలో RTC డిపో వద్ద ప్రైవేట్ బస్ డ్రైవర్ల ఆందోళన

వనపర్తి జిల్లాలో ప్రైవేట్ బస్ డ్రైవర్లు RTC డిపో ముందు ఆందోళన చేశారు. డిపో మేనేజర్ నుంచి ఒత్తిడి వస్తోందని, బస్సులు నడపలేమని వారు నిరసన తెలిపారు.

సీటు సామర్థ్యం కంటే ఎక్కువ మంది ప్రయాణికులను ఎక్కించుకోవాల్సి వస్తోందని డ్రైవర్లు చెప్పారు. సాధారణ బస్సులో 56 మంది, ఎక్స్‌ప్రెస్ బస్సులో 55 మంది కూర్చోవచ్చు. అయితే డోర్ల వద్ద నిలబడి ప్రయాణించేవారు ఎక్కువగా ఉన్నారని, పడిపోతే బాధ్యత డ్రైవర్దే అవుతుందని వారు ఆందోళన చెందుతున్నారు.

మహిళలకు ఉచిత బస్సు సదుపాయం వచ్చిన తర్వాత నిర్ణీత స్టాపులు లేకుండా ఎక్కడ పడితే అక్కడ ప్రయాణికులు దిగుతున్నారని డ్రైవర్లు తెలిపారు. స్టాపుల సంఖ్య పెరగడంతో డీజిల్ ఖర్చు పెరుగుతోందని, దీంతో యజమానుల నుంచి ఒత్తిడి ఉంటుందని చెప్పారు.

ఆపకపోతే కొందరు రాళ్లు విసురుతున్నారని, అద్దాలు పగిలితే నష్టాన్ని డ్రైవర్లపై రాస్తున్నారని ఆరోపించారు. దాదాపు పది మంది డ్రైవర్లు డ్యూటీకి రావడం లేదని వారు తెలిపారు. సమస్యలు పరిష్కారం అయ్యే వరకు బస్సులు నడపబోమని డ్రైవర్లు స్పష్టం చేశారు.