వరంగల్‌లో ఎస్ఐఆర్ అవగాహన కోసం 2కే రన్: MLA నాగరాజు, కలెక్టర్ సత్య సారధాదేవి పాల్గొన్నారు

ఎన్నికల జాబితా ప్రత్యేక సవరణ (SIR) ప్రక్రియపై అవగాహన కల్పించేందుకు వరంగల్‌లో 2కే రన్ నిర్వహించారు. వర్ధనపేట MLA నాగరాజు, జిల్లా కలెక్టర్ సత్య సారధాదేవి ఈ ర్యాలీలో పాల్గొన్నారు.

ఈ సందర్భంగా MLA నాగరాజు మాట్లాడుతూ, రాజ్యాంగం కల్పించిన ఓటు హక్కును ప్రతి ఒక్కరూ వినియోగించుకోవాలని కోరారు. SIR ప్రక్రియలో క్షేత్ర స్థాయిలో అధికారులు అడిగిన ఫారమ్‌లను సత్వరమే అందించి సహకరించాలని విజ్ఞప్తి చేశారు.

వరంగల్ కలెక్టరేట్ నుంచి కాశీ బుగ్గ వరకు జరిగిన ఈ రన్‌లో విద్యార్థులు, ఉన్నతాధికారులు ఉత్సాహంగా పాల్గొన్నారు. అధికార యంత్రాంగం ప్రజలందరినీ ఈ అవగాహన కార్యక్రమంలో భాగస్వాములు కావాలని, వోటరు జాబితాలో పేరు నమోదును సరిచూసుకోవాలని కోరింది.