పారాక్వాట్ డైక్లోరైడ్ నిషేధంపై వరంగల్ MP కడియం కావ్య స్పష్టత

వరంగల్ MP కడియం కావ్య రైతుల ప్రాణాలను బలిగొంటున్న పారాక్వాట్ గడ్డి మందు నిషేధం కోసం పార్లమెంట్లో పోరాడారు. ఈ హానికరమైన రసాయనానికి యాంటీడోట్ కూడా లేదని, కేవలం 5 ml తీసుకున్నా పేషెంట్ ప్రాణాలు పోతున్నాయని ఆమె వివరించారు. IMA డాక్టర్లు మరియు వివిధ పార్టీల MP లతో కలిసి ఈ అంశంపై అవగాహన కల్పించారని చెప్పారు.

పారాక్వాట్ మందు భూసారాన్ని కూడా నష్టపరుస్తుందని సాయిల్ సైంటిస్ట్లు హెచ్చరించారని కావ్య తెలిపారు. చైనా ఈ మందును తన రైతులకు ఇవ్వకుండా ఇతర దేశాలకు ఎగుమతి చేస్తుందని, ఇప్పటికే 70 దేశాలు దీన్ని నిషేధించాయని పేర్కొన్నారు.

కేంద్ర ప్రభుత్వం ఇప్పటికే డ్రాఫ్ట్ నోటిఫికేషన్ విడుదల చేసిందని, 30 రోజుల వ్యవధి తర్వాత పూర్తి నిషేధం అమలవుతుందని MP కావ్య స్పష్టం చేశారు. రాష్ట్ర ప్రభుత్వం కేవలం మూడు నెలలు నిషేధించగలిగితే, శాశ్వత నిషేధానికి కేంద్ర ప్రభుత్వం మాత్రమే అధికారం కలిగి ఉంటుందని ఆమె వివరించారు.

రైతులకు గడ్డి తొలగింపులో ప్రత్యామ్నాయ పద్ధతులు నేర్పాలని, కూలీలు మరియు బుష్ కట్టర్ వంటి పరికరాలు ఉపయోగించమని అవగాహన కల్పిస్తున్నామని కావ్య తెలిపారు. పారాక్వాట్ 100% నిషేధమయ్యే వరకు పోరాడతామని ఆమె హామీ ఇచ్చారు.