BLO మీ ఇంటికి రాకపోతే ఏమి చేయాలి? SIR సర్వే గురించి పూర్తి వివరాలు

ప్రస్తుతం SIR అంటే స్పెషల్ ఇంటెన్సివ్ రివిజన్ ప్రక్రియ జరుగుతోంది. చాలా మంది ఓటర్లకు BLO తమ ఇంటికి రాలేదని, ఫారం ఇవ్వలేదని సందేహాలు కలుగుతున్నాయి. అయితే ఈ విషయంలో పానిక్ అవ్వాల్సిన అవసరం లేదని నిపుణులు స్పష్టం చేస్తున్నారు.

BLO వచ్చి ఫారం ఇవ్వకపోతే మీకు అందుబాటులో ఉన్న పలు మార్గాలు ఉన్నాయి. మొదటగా 1950 అనే టోల్ ఫ్రీ నంబర్‌కు కాల్ చేసి సమస్యను తెలియజేయవచ్చు. రెండవదిగా CEO వెబ్‌సైట్‌లో బుక్ ఏ కాల్ విత్ BLO అనే ఆప్షన్ ద్వారా BLO తో సంప్రదించవచ్చు.

ఆన్‌లైన్‌లో సబ్‌మిట్ చేసుకోవాలనుకునే వారు voters.eci.gov.in వెబ్‌సైట్ ద్వారా ఫారం నింపవచ్చు. అలాగే ERO లేదా DEO కార్యాలయాల్లో కంప్లైంట్ కూడా నమోదు చేయవచ్చు. సమీపంలో ఉన్న రాజకీయ పార్టీల నాయకులను కలిసి సమస్యను చెప్పవచ్చు.

BLO ఇంటికి వచ్చి ఫారం ఇవ్వకపోయినంత మాత్రాన మీ ఓటు రద్దు అవ్వదు. పైన పేర్కొన్న మార్గాల ద్వారా తప్పకుండా మీ ఓటు నమోదు చేసుకోవచ్చు.