వరలక్ష్మీ వ్రతం ఎవరు చేయవచ్చు? ధర్మశాస్త్ర నియమాలు ఏం చెబుతున్నాయి?

వరలక్ష్మీ వ్రతాన్ని వివాహితలు, కుటుంబం ఉన్న మహిళలు ప్రధానంగా ఆచరించాలని ధర్మశాస్త్ర నియమాలు తెలుపుతున్నాయి. కుటుంబంలో శాంతి, ఐశ్వర్యం, ఆరోగ్యం, ఆనందం కోసం ఈ వ్రతాన్ని చేస్తారు.

వివాహం కాని మహిళలు, కుటుంబ జీవితం ఏర్పడని వారు, అనివార్య కారణాలతో వ్యక్తిగత జీవితం గడుపుతున్న మహిళలు ఇతరుల చేత ఈ వ్రతం చేయించవచ్చు. కర్తగా లేదా యజమానిగా ఉండి వ్రతం నిర్వహించి పుణ్యఫలం పొందవచ్చు.

తమకు వ్రతం ఆచరించే యోగ్యత లేని పరిస్థితుల్లో 'ఆచార్య వరణి' పద్ధతిలో అర్హులైన వారిచేత వ్రతం చేయించవచ్చు. భవిష్యోత్తర పురాణం ఈ మార్గాన్ని సూచిస్తోంది. కుల, మత, వర్గ, వర్ణ విచక్షణ లేకుండా అందరూ ఈ వ్రతాన్ని ఆచరించవచ్చు.