బన్నీ దర్శకులకు హ్యాండ్ ఇవ్వడం వెనక నిజమేంటి? అల్లు అర్జున్ వదిలేసిన సినిమాలు హిట్స్ అవుతున్నాయా?

అల్లు అర్జున్ తన దగ్గరికి వచ్చే దర్శకులకు అంత సులభంగా అవకాశం ఇవ్వడు అని టాలీవుడ్‌లో మాటలు వినబడుతున్నాయి. దర్శకులు తమ పనితనాన్ని ముందే నిరూపించుకోవాలని, లేకపోతే ప్రాజెక్టు అనౌన్స్‌మెంట్ తర్వాత కూడా బన్నీ తప్పుకుంటాడని చాలా ఉదాహరణలు కనబడుతున్నాయి.

వేణు శ్రీరామ్ తో కలిసి ఐకాన్ అనే ప్రాజెక్టు అనౌన్స్ చేసినా అది పట్టాలెక్కలేదు. కథ నచ్చలేదని బన్నీ తప్పుకున్నాడు అని టాక్ వినబడింది. తర్వాత కొరటాల శివ దర్శకత్వంలో AA21 అనే ప్రాజెక్టు ప్రకటించారు. కానీ ఆ సమయంలో ఆచార్య పరాజయం పాలవడంతో కొరటాలను పక్కన పెట్టి సుకుమార్‌ను లైన్‌లో పెట్టాడు బన్నీ. కొరటాల మళ్ళీ తారక్‌తో కలిసి దేవర సినిమా తీసి హిట్ కొట్టాడు.

త్రివిక్రం శ్రీనివాస్ విషయంలోనూ ఇదే జరిగింది. జూలై, సన్ ఆఫ్ సత్యమూర్తి, అలా వైకుంఠపురాంలో వంటి మూడు బ్లాక్‌బస్టర్లు ఇచ్చిన గురూజీతో నాలుగో సినిమాకు కమిట్ అయ్యాడు అల్లు అర్జున్. అనౌన్స్‌మెంట్ పోస్టర్ కూడా రిలీజైంది. కానీ గుంటూరు కారం అంచనాలు అందుకోలేకపోవడం, పుష్ప చిత్రాలతో బన్నీ పాన్ ఇండియా స్థాయికి చేరుకోవడంతో త్రివిక్రంకు ఆ అనుభవం లేదని భావించి గురూజీని పక్కన పెట్టేశాడు.

ఆ ప్రాజెక్టే ఇప్పుడు గాడ్ ఆఫ్ వార్ పేరుతో Junior NTR తో చేయనున్నట్లు ప్రకటించారు. ఈ వార్తకు Junior NTR అభిమానులు అత్యంత సంతోషంగా స్పందిస్తున్నారు.

బన్నీ గతంలో అర్జున్ రెడ్డి, గీత గోవిందం, బొమ్మరిల్లు, 100% లవ్, టెంపర్ వంటి సినిమాలకు ముందే అవకాశం వచ్చినా బిజీ షెడ్యూల్స్ కారణంగా వదిలేసుకున్నాడు. ఆ సినిమాలన్నీ హిట్స్ అయ్యాయి. దీన్ని చూసి తారక్ అభిమానులు గాడ్ ఆఫ్ వార్ కూడా సూపర్ డూపర్ బ్లాక్‌బస్టర్ అవుతుందని ఇప్పటి నుంచే నమ్ముతున్నారు. ఈ అంచనాలు నిజమవుతాయో లేదో సినిమా విడుదలయ్యాకే తెలుస్తుంది.