టాక్సిక్ ఆగస్టు 26న, రామాయణం దీపావళికి - నటుడు యష్‌పై భారీ అంచనాలు

కేజీఎఫ్ తర్వాత నటుడు యష్ నటిస్తున్న 'టాక్సిక్' మరియు 'రామాయణం' చిత్రాల విడుదల తేదీలు ఖరారయ్యాయి. టాక్సిక్ సినిమా ఆగస్టు 26న ప్రపంచవ్యాప్తంగా థియేటర్లలోకి రానుండగా, రామాయణం చిత్రం దీపావళి సందర్భంగా ప్రేక్షకుల ముందుకు రానుంది.

జాతీయ అవార్డు గ్రహీత గీతు మోహన్దాస్ దర్శకత్వంలో తెరకెక్కుతున్న టాక్సిక్ 1940-70 మధ్య కాలంలో గోవా అండర్‌వరల్డ్‌నేపథ్యంలో సాగే పీరియడ్ గ్యాంగ్స్టర్ డ్రామా. ఓ సామాన్య వ్యక్తి క్రైమ్ సామ్రాజ్యాన్ని నిర్మించే కథాంశంతో ఈ చిత్రం రూపొందుతోంది. కియారా అద్వాని, నయనతార, హ్యూమా ఖురేషి, తారా సుతారియా, రుక్మిణి వసంత్ వంటి ప్రముఖ నటీనటులు ఇందులో నటిస్తున్నారు. ఈ చిత్రం ట్రైలర్ ఆగస్టు 8న విడుదల కానుంది.

నితీష్ తివారి దర్శకత్వం వహిస్తున్న రామాయణంలో యష్ రావణుడి పాత్రలో కనిపించనున్నాడు. ఇప్పటికే విడుదలైన టీజర్‌కు మంచి స్పందన లభించింది. యశ్ నటించడమే కాక ఈ సినిమాకు నిర్మాతగానూ భాగస్వామ్యం వహిస్తున్నాడు. రామాయణం సినిమాను దీపావళి స్పెషల్‌గా విడుదల చేయనున్నట్లు నిర్మాతలు ప్రకటించారు.

ఇదిలా ఉండగా, పీఎస్ మిత్రన్ దర్శకత్వంలో యష్ ఓ సైన్స్ ఫిక్షన్ థ్రిల్లర్ చేయనున్నట్లు వార్తలు వచ్చాయి. కానీ అధికారిక ప్రకటన ఇంకా రాలేదు. కేజీఎఫ్ తర్వాత యష్ చేపట్టిన ఈ భారీ ప్రాజెక్టులపై చిత్ర పరిశ్రమలో చర్చ మొదలైంది. భారీ బడ్జెట్లు, అంచనాలు విజయానికి హామీ కాదని, కంటెంట్ మంచిగా ఉంటేనే ప్రేక్షకులు ఆదరిస్తారని విశ్లేషకులు పేర్కొంటున్నారు.