ఎల్లమ్మ టైటిల్ సాంగ్: 100 మంది జానపద కళాకారులతో లైవ్ రికార్డింగ్

వేణు ఎల్దండి దర్శకత్వంలో రూపొందుతున్న 'ఎల్లమ్మ' సినిమా టైటిల్ సాంగ్‌ను సంగీత దర్శకుడు దేవిశ్రీ ప్రసాద్ లైవ్‌గా రికార్డ్ చేశారు. ఈ పాట రికార్డింగ్‌లో దాదాపు 100 మంది జానపద కళాకారులు పాల్గొన్నారు.

కంప్యూటర్ బీట్స్, ఆర్టిఫిషియల్ సౌండ్స్‌పై ఆధారపడకుండా పాటను తయారు చేశారు. దేశవ్యాప్తంగా వివిధ సంస్కృతులకు ప్రాతినిధ్యం వహించే ఒరిజినల్ జానపద రిథం కళాకారులను ఒకే చోటికి తీసుకొచ్చి, వారందరితో కలిసి ఈ టైటిల్ ట్రాక్‌ను రికార్డ్ చేయించారు. ఈ పాటను తొలి సింగిల్‌గా త్వరలో అధికారికంగా విడుదల చేయాలని చిత్రబృందం ప్లాన్ చేస్తోంది.

శ్రీ వెంకటేశ్వర క్రియేషన్స్ పతాకంపై దిల్ రాజు, శిరీష్, హర్షిత్ రెడ్డి ఈ చిత్రాన్ని నిర్మిస్తున్నారు. మురళీ జి సినిమాటోగ్రఫీ అందిస్తున్నారు. ఈ సినిమాలో దేవిశ్రీ ప్రసాద్ హీరోగా నటిస్తున్నట్లు సమాచారం.

చిత్ర షూటింగ్ చివరి దశకు చేరుకుంది. వచ్చే ఏడాది మార్చి 5న ప్రపంచవ్యాప్తంగా ఈ చిత్రాన్ని థియేటర్లలో విడుదల చేయనున్నట్లు చిత్రబృందం స్పష్టం చేసింది.