చంపాపేటలో అన్నను కత్తెరతో పొడిచిన తమ్ముడు.. ఆటో డ్రైవర్ మృతి

హైదరాబాద్‌లోని చంపాపేట కుమ్మరి బస్తిలో తమ్ముడు శివ అన్న వెంకటేష్‌పై కత్తెరతో దాడి చేశాడు. ఆటో డ్రైవర్ వెంకటేష్ చికిత్స పొందుతూ మృతి చెందాడు.

కుటుంబ తగాదాల నేపథ్యంలో ఈ దాడి జరిగిందని కుటుంబ సభ్యులు తెలిపారు. తండ్రి మృతి తర్వాత అన్నదమ్ముల మధ్య గొడవలు పెరిగాయని చెప్పారు. కుటుంబం స్వస్థలం మహబూబ్‌నగర్ జిల్లా అని తెలిపారు.

దాడి తర్వాత శివ అక్కడి నుంచి పరారయ్యాడు. పోలీసులు కేసు నమోదు చేసి దర్యాప్తు చేపట్టారు.