తెలంగాణ పంచాయతీలకు 16వ ఆర్థిక సంఘం ₹9,968 కోట్లు కేటాయింపు

16వ ఆర్థిక సంఘం తెలంగాణ పంచాయతీలకు ₹9,968 కోట్లు కేటాయించింది. ఇది 2026–27 నుంచి 2030–31 వరకు ఐదేళ్ల కాలానికి వర్తిస్తుంది. ఇందులో basic grants కింద ₹7,974 కోట్లు, performance grants కింద ₹1,994 కోట్లు ఇవ్వనున్నారు.

ఆంధ్రప్రదేశ్‌కు అదే కాలానికి మొత్తం ₹16,627 కోట్లు కేటాయించారు. ఇందులో basic grants ₹13,302 కోట్లు, performance grants ₹3,325 కోట్లుగా ఉన్నాయి. AP కి తెలంగాణ కంటే ₹6,659 కోట్లు అధికంగా కేటాయింపు జరిగింది.

దేశవ్యాప్తంగా గ్రామీణ స్థానిక సంస్థలకు మొత్తం ₹4,35,236 కోట్ల grant ను కేంద్ర ఆర్థిక శాఖ సిఫారసు చేసింది. మొత్తం నిధుల్లో 80% basic grants, 20% performance grants కింద విభజించారు.

నిధుల వినియోగంపై కేంద్రం కొన్ని నిబంధనలు విధించింది. basic grants లో 50% నిధులను తాగునీరు, పారిశుద్ధ్యం, ODF Plus నిర్వహణకు మాత్రమే ఖర్చు చేయాలి. మిగిలిన 50% స్థానిక అవసరాలకు వినియోగించవచ్చు.

రోడ్ల నిర్మాణం, మరమ్మతులకు మొత్తం నిధుల్లో 20%కి మించి ఖర్చు చేయకూడదు. పంచాయతీ సిబ్బంది జీతాలు, establishment ఖర్చులకు ఈ నిధులు వాడకూడదు. auditing, accounting కోసం professional fees మాత్రం చెల్లించవచ్చు.

performance grants పొందాలంటే పన్నుల వసూలు పెంచుకోవాలని కేంద్రం స్పష్టం చేసింది. ప్రతి పంచాయతీలో ఏటా ఒక్కో ఇంటి నుంచి కనీసం ₹1,200 పన్ను వసూలు చేయాలని సూచించింది. సకాలంలో ఎన్నికలు నిర్వహించిన పంచాయతీలకు మాత్రమే నిధులు మంజూరు చేస్తారు.

రెండేళ్ల audit reports ఆన్‌లైన్‌లో పొందుపరచాలి. నిధుల వినియోగ వివరాలను e-Gram Swaraj portal లో అప్‌లోడ్ చేయాలి. కేంద్రం నిధులు విడుదల చేసిన 10 పని దినాల్లోపు రాష్ట్ర ప్రభుత్వాలు పంచాయతీ ఖాతాలకు బదిలీ చేయాలి. ఆలస్యమైతే RBI నిర్ణయించిన వడ్డీతో సహా చెల్లించాల్సి ఉంటుంది.