మీ మొబైల్‌లో ఉండాల్సిన 8 ప్రభుత్వ యాప్‌లు

భారత ప్రభుత్వం, రాష్ట్ర ప్రభుత్వాలు అనేక సేవలను డిజిటల్‌గా అందించేందుకు వివిధ యాప్‌లను తీసుకొచ్చాయి. అత్యంత ఉపయోగకరమైన 8 యాప్‌లను మీ మొబైల్‌లో ఇన్‌స్టాల్ చేసుకోవడం వల్ల అనేక ప్రయోజనాలు పొందవచ్చు.

డిజిలాకర్ యాప్ లో డ్రైవింగ్ లైసెన్స్, వెహికల్ రిజిస్ట్రేషన్, గ్యాస్ కనెక్షన్, ఆధార్ తదితర పత్రాలను డిజిటల్ రూపంలో చూడవచ్చు. ఫోన్ నెంబర్, ఆధార్ నెంబర్ ఇచ్చి డాక్యుమెంట్లను సేవ్ చేసుకోవచ్చు.

ఉమంగ్ యాప్ కేంద్ర, రాష్ట్ర ప్రభుత్వాల వివిధ పౌరసేవలను ఒకే చోట అందిస్తుంది. ఉద్యోగులు, వ్యాపారులు, విద్యార్థులు ఈ యాప్ ద్వారా అవసరమైన సేవలు పొందవచ్చు. PF లావాదేవీలు కూడా నిర్వహించొచ్చు.

ఎం పరివాహన్ యాప్ లో డిజిటల్ RC, డ్రైవింగ్ లైసెన్స్ ఉంటాయి. ట్రాఫిక్ చలాన్లను చెల్లించడానికి, వాహనాల వివరాలు తెలుసుకోవడానికి ఇది ఉపయోగపడుతుంది.

ఆధార్ యాప్ ఆధార్ కార్డును డిజిటల్ గుర్తింపుగా చూపించడానికి ఉపయోగపడుతుంది. ఇందులో ఆధార్ కాపీ డౌన్‌లోడ్, అడ్రెస్ మార్పు, బయోమెట్రిక్ వివరాల మార్పు చేసుకోవచ్చు.

IRCTC రైల్ కనెక్ట్ యాప్ రైలు టికెట్లు బుక్ చేసుకోవడానికి, PNR చెక్ చేసుకోవడానికి చాలా ఉపయోగకరంగా ఉంటుంది. తరచూ రైలు ప్రయాణం చేసేవారికి ఇది తప్పనిసరిగా ఉండాల్సిన యాప్.

మై గవ్ యాప్ ద్వారా ప్రభుత్వ పాలనలో ప్రజలు భాగస్వాములు కావచ్చు. జాతీయ స్థాయి పోల్స్, పోటీలు, చర్చల్లో పాల్గొని అభిప్రాయాలు తెలియజేయవచ్చు.

భీమ్ యాప్ UPI ఆధారిత చెల్లింపులు, ఇతర లావాదేవీలు సులభంగా నిర్వహించడానికి రూపొందించబడింది. ప్రభుత్వ ప్రాథమిక చెల్లింపులకు కూడా ఇది ఉపయోగపడుతుంది.

ఆరోగ్య సేతు 2.0 యాప్ లో ఆరోగ్య బీమా కవరేజ్, క్లెయిమ్‌ల వివరాలు, వ్యక్తిగత ఆరోగ్య సమాచారం పొందవచ్చు. కోవిడ్ తర్వాత అప్‌డేట్ చేయబడిన ఈ యాప్ ఇప్పుడు మరింత ఉపయోగకరంగా ఉంది.