తిరుమల శ్రీవారి దర్శనం చేసుకున్న నటులు ఆది సాయికుమార్, అశ్విన్ బాబు

నటులు ఆది సాయికుమార్, అశ్విన్ బాబు తిరుమల శ్రీవారిని దర్శించుకున్నారు. ఈ సందర్భంగా ఆది సాయికుమార్ మాట్లాడుతూ, స్వామి దర్శనం సంతోషంగా ఉందని, తెలియని శక్తి లభించినట్లు అనిపించిందని చెప్పారు. తన కుటుంబంతో కలిసి తరచూ వస్తుంటానన్నారు.

ఆది తన ఇటీవలి చిత్రం 'శంబాలా' విజయవంతమైందని, ప్రస్తుతం 'సైరాబాను' సినిమా చేస్తున్నట్లు తెలిపారు. మరో రెండు మూడు ప్రాజెక్టులు కూడా చేస్తున్నట్లు చెప్పారు. అలాగే అభిమానులు, ప్రేక్షకుల ఆశీస్సులు, మద్దతు తమకు ఎప్పుడూ ఉండాలని కోరారు.

ఈ దర్శనంలో నటుడు అశ్విన్ బాబు కూడా పాల్గొన్నారు. ఇద్దరు నటులు అక్కడ మీడియాతో మాట్లాడుతూ అభిమానులకు నూతన సంవత్సర శుభాకాంక్షలు తెలిపారు.