BRICS వేదికపై ప్రధాని మోదీ–పుతిన్ ద్వైపాక్షిక భేటీ

ప్రధాని నరేంద్ర మోదీ ఇవాళ రష్యా అధ్యక్షుడు వ్లాదిమిర్ పుతిన్‌తో ద్వైపాక్షిక చర్చలు జరపనున్నారు. BRICS సదస్సు నేపథ్యంలో ఈ భేటీ జరుగుతోంది.

ఈ చర్చల్లో వాణిజ్యం, పెట్టుబడులు, ఇంధన భద్రత, రక్షణ రంగాల్లో సహకారంపై దృష్టి పెట్టనున్నారు. టెక్నాలజీ, ఔషధ రంగాలు, వ్యూహాత్మక వాణిజ్య స్థిరత్వం, సరిహద్దు చెల్లింపుల విధానాలపైనా చర్చ జరుగుతుంది.

రక్షణ విషయంలో ఐదవ తరం Su-57 స్టెల్త్ యుద్ధ విమానాల కొనుగోలుపై చర్చలు జరగనున్నాయి. అదనపు S-400 కొనుగోళ్లు, Su-30MKI విమానాల అప్‌గ్రేడ్ ప్రతిపాదనపై కూడా మాట్లాడనున్నారు. క్షిపణ సాంకేతికత, ఇంధన భద్రతపై ప్రత్యేకంగా చర్చిస్తారు.

స్థానిక కరెన్సీల్లో వాణిజ్యాన్ని పెంచే అంశంపై కూడా ఇరు దేశాలు చర్చించనున్నాయి. రష్యాపై పశ్చిమ దేశాల ఆంక్షలు కొనసాగుతున్న నేపథ్యంలో ఈ భేటీ జరుగుతోంది. భేటీ అనంతరం కీలక ఒప్పందాల వివరాలు వెలువడవచ్చు.