చిన్నారుల సోషల్ మీడియా వినియోగంపై సుప్రీంకోర్టు కేంద్రానికి నోటీసులు

18 ఏళ్ల లోపు పిల్లలు సోషల్ మీడియా వాడే విషయంలో సుప్రీంకోర్టు కేంద్ర ప్రభుత్వానికి నోటీసులు జారీ చేసింది.

సోషల్ మీడియా ఖాతాల కోసం తల్లిదండ్రుల అనుమతి తప్పనిసరి చేయాలని కోర్టు సూచించింది. ఆన్‌లైన్ లైంగిక దోపిడీ, వేధింపులు, అశ్లీల కంటెంట్ నుంచి పిల్లలను రక్షించేందుకు భద్రతా చర్యలు అవసరమని కోర్టు పేర్కొంది.

జస్ట్ రైట్స్ ఫర్ చిల్డ్రన్స్ అలయన్స్ దాఖలు చేసిన పిటిషన్‌ను ధర్మాసనం విచారించింది. ఈ విషయంపై కేంద్రం నాలుగు వారాల్లో సమాధానం ఇవ్వాలని సుప్రీంకోర్టు ఆదేశించింది.