ఆకాశ దీపం ప్రత్యేకత: ఈశ్వర మాసంలో ఇంటిపైన, గుడుల్లో పెట్టే సంప్రదాయం

ఈశ్వర మాసంలో ఆకాశ దీపం పెట్టే సంప్రదాయం ఉంది. గుడుల్లో ఈ దీపాన్ని ధ్వజస్తంభం దగ్గర పెడతారు. ఇప్పుడు చాలామంది తమ ఇళ్లలోనూ దీన్ని పెడుతున్నారు.

ఇంట్లో పెట్టేటప్పుడు ప్రహరీ గోడ దగ్గర కానీ, ఇంటి మీద మేడపైన కానీ ఈ దీపాన్ని ఉంచుతారు. గాలి తగలకుండా దీపం మధ్యలో ఉండేలా దీని నిర్మాణం ఉంటుంది. గాలి లోపలి నుంచి బయటికి పోతూ ఉంటుంది. దీంతో జ్వాల నిలకడగా వెలుగుతుంది.

ఈ దీపాల వల్ల శ్వాసకోశ సంబంధ వ్యాధులు, క్రిమికీటకాల బాధ తగ్గుతాయని సంప్రదాయ నమ్మకం ఉంది. కరోనా కాలంలో దేశవ్యాప్తంగా ఒకరోజు అందరూ దీపాలు పెట్టాలని పిలుపు వచ్చింది. చీకటిని పారదోలడం కూడా ఈ దీపం పెట్టడం వెనుక ఉన్న ఉద్దేశమని ఈ కార్యక్రమంలో వివరించారు.