అభిజీత్ దీప్కే పెళ్లిపై తల్లి అనిత వ్యాఖ్యలు

కాక్రోచ్ జనతా పార్టీ వ్యవస్థాపకుడు అభిజీత్ దీప్కే పెళ్లి విషయమై ఆయన తల్లి అనితా దీప్కే వివరాలు వెల్లడించారు. ఢిల్లీలో ఆందోళనల తర్వాత దేశవ్యాప్తంగా దీప్కేకు గుర్తింపు లభించింది. దీంతో పెళ్లి సంబంధాలు పెద్ద ఎత్తున వస్తున్నాయని అనిత తెలిపారు.

గతంలో పెళ్లి ప్రస్తావన వచ్చినప్పుడు ఆర్థిక స్థిరత్వం వచ్చాకే వివాహం చేసుకుంటానని దీప్కే నవ్వుతూ సమాధానమిచ్చేవారని ఆమె చెప్పారు. ఇప్పుడు మాత్రం వచ్చే జనవరి నాటికి తన కుమారుడికి పెళ్లి చేయాలని ఆశిస్తున్నట్లు అనిత తెలిపారు. కాబోయే కోడలు ఎలా ఉండాలి అనేది పూర్తిగా అభిజీత్ నిర్ణయానికే వదిలేశామని ఆమె అన్నారు.

నీట్ పేపర్ లీకేజీ విషయంలో నాగపూర్‌కు చెందిన ఓ బాధిత కుటుంబం దీప్కేను కలిసిన తర్వాత విద్యార్థుల కోసం ఏదైనా చేయాలని నిర్ణయించుకున్నారని అనిత వివరించారు. ఆ నిర్ణయమే ఢిల్లీ ఆందోళనల వరకు నడిపించిందని ఆమె చెప్పారు. తన కుమారుడు తీసుకునే ఏ నిర్ణయానికైనా కుటుంబం పూర్తి మద్దతు ఇస్తుందని అనిత స్పష్టం చేశారు.