ప్రైవేటు స్కూళ్ల ఫీజులపై క్యాప్, ప్రభుత్వ స్కూళ్ల పునరుద్ధరణ: అభిజిత్ దిప్కే

కాక్‌రోచ్ జనతా పార్టీ (CJP) నేత అభిజిత్ దిప్కే ఎడ్యుకేషన్ రిఫార్మ్స్‌పై కీలక ప్రతిపాదనలు చేశారు. విద్యా వ్యయం భారీగా పెరిగిందని, దీన్ని తగ్గించేందుకు ప్రైవేటు స్కూళ్ల ఫీజులపై క్యాప్ విధించాలని ఆయన కోరారు.

ఒకటి, రెండో తరగతి చదువుకే ఏడాదికి ₹1.5 లక్షల వరకు ఫీజు వసూలు చేస్తున్నారని ఆయన వివరించారు. నెలకు ₹40-50 వేలు సంపాదించే మధ్యతరగతి, అట్టడుగు తరగతి కుటుంబాలు ఇంత భారీ మొత్తాన్ని భరించలేవన్నారు.

గత పదేళ్లలో 94,000 ప్రభుత్వ స్కూళ్లు మూతపడ్డాయని, ప్రభుత్వం వాటిని బంద్ చేయడం ద్వారా ప్రైవేటు సంస్థలకు లాభం చేకూర్చిందని ఆయన ఆరోపించారు. ప్రభుత్వ స్కూళ్లను పునరుద్ధరించాలని, జిల్లాకు కొత్త స్కూళ్లు నెలకొల్పాలని డిమాండ్ చేశారు.

కాలేజీల్లో మేనేజ్‌మెంట్ కోటా కింద సీట్ల కోసం ₹25-30 లక్షల వరకు డొనేషన్ తీసుకుంటున్నారని కూడా చెప్పారు. సీట్ల కొరత వల్ల పేద విద్యార్థులకు న్యాయం జరగడం లేదని పేర్కొన్నారు. డా. అంబేద్కర్ సూక్తిని గుర్తుచేస్తూ విద్య అనేది వ్యాపారం కాదు, ప్రాథమిక హక్కు అన్నారు.

దీప్కే తన ప్రసంగంలో ఇన్‌స్టిట్యూషనల్ అకౌంటబిలిటీ అంశంపై కూడా మాట్లాడారు. ఎన్నికల సంఘం, న్యాయవ్యవస్థ పట్ల ప్రజల్లో విశ్వాసం సన్నగిల్లిందని, వీటిని బలోపేతం చేయాల్సిన అవసరం ఉందన్నారు.