నటుడు నరేష్‌ ‘ఇడుపు కాయితం’ వివాదంపై స్పందన: సంస్కృతులన్నింటికీ గౌరవం ఇవ్వాలని విజ్ఞప్తి

నటుడు నరేష్ ‘ఇడుపు కాయితం’ వివాదంపై స్పందించారు. తెలంగాణలోని సంస్కృతి, ఆచారాలను వివరిస్తూ వివాదం తనకు బాధ కలిగించిందని చెప్పారు. ప్రతి ప్రాంతం సంస్కృతికి గౌరవం ఇవ్వాలని అభిప్రాయపడ్డారు.

ఓ కార్యక్రమంలో మాట్లాడుతూ తెలంగాణలో తన అనుభవాలు పంచుకున్నారు. ఇంట్లో మరణం జరిగిన మూడో రోజు ‘డ్రింక్’ తీసుకొని చనిపోయిన వ్యక్తి గురించి మనసుతో మాట్లాడుకునే సంప్రదాయం ఉందని వివరించారు. ఇది ఒక ‘రివ్యూ మీటింగ్’ లాంటిదని చెప్పారు. రాయలసీమ, ఆంధ్ర, తెలంగాణ ప్రతి ప్రాంతానికి దాని స్వంత సంస్కృతి ఉంటుందని గుర్తు చేశారు.

‘ఇడుపు కాయితం’ వివాదం వచ్చినప్పుడు చాలా బాధేసిందని నరేష్ అన్నారు. తెలుగు సినిమాలు తీస్తున్నామని, తెలుగు మాట్లాడుతున్నామని ఈ సందర్భంగా అన్నారు. సోషల్ మీడియాలో తాను ఏం పోస్ట్ చేయాలో తనకు తెలుసని, ఇటీవల ఓ మహిళ చర్యపై చేసిన పోస్టుకు గర్వంగా ఉందని చెప్పారు.