పంట వైవిద్యంపై దృష్టి పెట్టాలని రైతులకు ఆది శ్రీనివాస్ సూచన

ప్రభుత్వ సలహాదారు ఆది శ్రీనివాస్ రాజన్న సిరిసిల్ల జిల్లాలో పర్యటించారు. చందుర్తి మండలం మూడవల్లి గ్రామంలో నిర్వహించిన రైతు సదస్సు, వ్యవసాయ ప్రదర్శనలో ఆయన పాల్గొన్నారు.

ఎల్ నినో ప్రభావంతో రైతులు నష్టపోకుండా ముందస్తు చర్యలు తీసుకుంటామని ఆది శ్రీనివాస్ తెలిపారు. రైతులు పంట వైవిద్యంపై దృష్టి పెట్టాలని ఆయన సూచించారు. కొంత భూమిలో ఆయిల్ పామ్ వంటి వాణిజ్య పంటలు సాగు చేయాలని చెప్పారు.

ప్రదర్శనలో విద్యార్థులు ఏర్పాటు చేసిన స్టాళ్లను ఆయన సందర్శించారు. స్టాళ్ల వివరాలను విద్యార్థులను అడిగి తెలుసుకున్నారు. వ్యవసాయ కళాశాలలో చదువుతున్న విద్యార్థులకు అభినందనలు తెలిపారు.

భూమి మీద, వ్యవసాయం మీద అనుబంధం ఉంటేనే రైతులకు సేవ చేసే అవకాశం ఉంటుందని ఆయన అన్నారు. మాజీ ముఖ్యమంత్రి వై.ఎస్. రాజశేఖర్ రెడ్డి హయాంలో రైతులను రాజుగా చూసేలా ఉచిత విద్యుత్, మద్దతు ధరకు పంట కొనుగోలు, రుణమాఫీ వంటి చర్యలు ప్రారంభమయ్యాయని ఆది శ్రీనివాస్ ప్రస్తావించారు.