న్యాయవాది ఖాజా మోయినుద్దీన్ హత్య కేసు: ఐదు ప్రత్యేక బృందాలతో దర్యాప్తు

హైదరాబాద్ మాసబ్ ట్యాంక్‌కు చెందిన న్యాయవాది ఖాజా మోయినుద్దీన్‌ను నంబర్ ప్లేట్ లేని స్కార్పియో కార్‌తో ఢీ కొట్టి హత్య చేశారు. ఉదయం swimming కి వెళ్ళేందుకు ఇంటి నుండి బయటకు వచ్చిన మోయినుద్దీన్‌ను నిందితులు వేగంగా వచ్చి ఢీ కొట్టారు. దెబ్బకు ఆయన 100 మీటర్ల దూరం ఎగిరి పడ్డారు.

కుటుంబ సభ్యులు వెంటనే ఆసుపత్రికి తరలించారు. చికిత్స పొందుతూ మోయినుద్దీన్ మృతి చెందారు. నిందితులు మొత్తం నలుగురు అని పోలీసులు తెలిపారు.

CCTV footage చూసిన తర్వాత ఈ ఘటన ఉద్దేశపూర్వకమైన హత్య అని పోలీసులు నిర్ధారించారు. నిందితులు ముందే రెక్కీ వేసి పక్కా ప్లాన్‌తో హత్యకు పాల్పడ్డారని footage లో స్పష్టంగా కనిపిస్తోంది. నంబర్ ప్లేట్ లేని స్కార్పియో కార్ కోసం పోలీసులు గాలిస్తున్నారు.

ఈ కేసులో ఐదు ప్రత్యేక బృందాలను పోలీసులు ఏర్పాటు చేశారు. హత్య వెనుక భూ వివాదాలు మరియు waqf ఆస్తుల తగాదాలు కారణమై ఉండవచ్చని దర్యాప్తు జరుపుతున్నారు. మృతుడి కుటుంబ సభ్యులు హత్య వెనుక పలుకుబడి గల వ్యక్తులు ఉన్నారని ఆరోపిస్తున్నారు. అయితే ఈ ఆరోపణలపై పోలీసులు ఇంకా దర్యాప్తు చేస్తున్నారు.